مباپپەنىڭ قاي كلۋبقا اۋىساتىنى تۋرالى تاعى ءبىر دەرەك شىقتى

كەلەسى اپتادا فرانتسيانىڭ پسج كومانداسىنىڭ شابۋىلشىسى كيليان مباپپە ءمادريدتىڭ «رەال» كلۋبىنا اۋىساتىن بولىپ شەشىلدى.

جۋرناليست فرانسۋا گاللاردونىڭ حابارلاۋىنشا، مباپپەنىڭ 24 جاستاعى فۋتبولشىنىڭ ترانسفەرىنە قاتىستى ماسەلە شەشىلگەن. بىراق ترانسفەردىڭ سوماسى ازىرشە بەلگىسىز بولىپ وتىر.

مباپپە 2017 جىلدان بەرى «پاري سەن-جەرمەن» كلۋبىندا ويناپ كەلەدى. ونى پسج «موناكو» كلۋبىنان جالعا الىپ، كەيىن 180 ملن ەۋروعا ساتىپ العان بولاتىن.

مباپپە پسج-مەن كەلىسىمشارت بويىنشا 150 ملن ەۋرو الدى. سونىڭ 90 ملن ەۋروسى بونۋس رەتىندە الىپ وتىردى. ەندى شابۋىلشى «رەالعا» اۋىساتىن بولسا، يسپاندىق كلۋب وعان 25-تەن 30 ملن ەۋرومەن قوسا قوماقتى بونۋس تولەۋگە دايىن وتىر ەكەن.

ەگەر ترانسفەر قىستا جاسالسا، وندا مباپپەنىڭ بونۋسى 100-دەن 120 ملن ەۋروعا دەيىن وسەدى. ال ترانسفەردىڭ ءوزى 250 ملن ەۋروعا دەيىن بارادى دەگەن دەرەك بار.

داستان كەنجالين،

استانا