«ول – مىقتى ويىنشى»: رىباكينا ۋيمبلدونداعى العاشقى قارسىلاسى تۋرالى ايتتى

الەمنىڭ 3-راكەتكاسى ەلەنا رىباكينا ۋيمبلدون تۋرنيرىندەگى العاشقى قارسىلاسى الەمنىڭ 49-راكەتكاسى امەريكالىق شەلبي رودجەرس تۋرالى ايتتى، دەپ حابارلادى قازاقستان تەننيس فەدەراتسياسى.

ەكەۋىنىڭ ويىنى 4 شىلدەگە بەلگىلەنگەن.

ءبىز شەلبي ەكەۋىمىز بىرنەشە رەت وينادىق. ۇمىتپاسام، ەكى رەت كوگالداعى توسەنىشتە كەزدەستىك.  سوز جوق، ول – مىقتى ويىنشى، دوپتى قاتتى بەرەدى. سوندىقتان ماعان وڭايعا بولمايدى. ءبىز ءبىر-ءبىرىمىزدى جاقسى بىلەمىز. قولىمنان كەلگەنشە ءبارىن جاساۋعا تىرىسامىن. العاشقى ماتچتا ورتالىق كورتتا ونەر كورسەتۋ – ۇلكەن جاۋاپكەرشىلىك. وعان قوسا تۋرنيرگە چەمپيون رەتىندە قاتىسۋدىڭ ءوزى مۇلدە بولەك نارسە. جارىستارعا وسىنداي دايىندىقپەن قاتىسامىن. ۋيمبلدوندى تاعى دا جەڭىپ العىم كەلەدى. ورتالىق ۇلكەن كورتتا اتموسفەرا ارقاشان ەرەكشە بولادى. وسى ويىندى جەڭەمىن دەپ ويلايمىن، — دەدى رىباكينا.

ەسكە سالساق، شەلبي رودجەرس پەن ەلەنا رىباكينا بەس رەت كەزدەسىپ، ۇشەۋىندە قازاقستاندىق تەننيسشى جەڭگەن. امەريكالىق سپورتشى 2020 جىلى حارد توسەنىشىندە US Open ءتۋرنيرىن، 2022 جىلى حەرتوگەنبوستا كوگالدا ۇتقان. ال رىباكينا 2021 جىلى كوگالدا بەرلين مەن ۋيمبلدوندا، 2022 جىلى حاردتا ادەلايدادا رودجەرستى جەڭدى.

سونىمەن بىرەگ رىباكيانا جارىسقا قالاي دايىندالىپ جاتقانىن دا ايتتى.

جارىسقا دايىندىق جاقسى بولدى. بىراق تولىق دايىندالىپ ۇلگەرگەن جوقپىز. مۇمكىندىگىنشە جاقسى دايىندالۋعا تىرىستىم.  ماعان «رولان گارروستان» كەيىن وڭاي بولعان جوق. سەبەبى، سىرقاتىما بايلانىستى جارىستارعا قاتىسپادى. قىسقاسى، ۋاقىت كەرەك بولدى. ءبىر اپتا ەشتەڭە ىستەگەن جوقپىن. سودان كەيىن عانا ءوز-وزىمە كەلە باستادىم، — دەدى ول.

قازىر تەننيس ماماندارى ەلەنا رىباكينانى  ۋيمبلدونداعى چەمپيوندىقتان باستى ۇمىتكەرلەردىڭ قاتارىنا قوسىپ وتىر.

فوتو: قازاقستان تەننيس فەدەراتسياسى