«Ol – myqty oıynshy»: Rybakına Ýımbldondaǵy alǵashqy qarsylasy týraly aıtty

Álemniń 3-raketkasy Elena Rybakına Ýımbldon týrnırindegi alǵashqy qarsylasy álemniń 49-raketkasy amerıkalyq Shelbı Rodjers týraly aıtty, dep habarlady Qazaqstan tennıs federaııasy.

Ekeýiniń oıyny 4 shildege belgilengen.

Biz Shelbı ekeýimiz birneshe ret oınadyq. Umytpasam, eki ret kógaldaǵy tósenishte kezdestik.  Sóz joq, ol – myqty oıynshy, dopty qatty beredi. Sondyqtan maǵan ońaıǵa bolmaıdy. Biz bir-birimizdi jaqsy bilemiz. Qolymnan kelgenshe bárin jasaýǵa tyrysamyn. Alǵashqy matchta ortalyq kortta óner kórsetý – úlken jaýapkershilik. Oǵan qosa týrnırge chempıon retinde qatysýdyń ózi múlde bólek nárse. Jarystarǵa osyndaı daıyndyqpen qatysamyn. Ýımbldondy taǵy da jeńip alǵym keledi. Ortalyq úlken kortta atmosfera árqashan erekshe bolady. Osy oıyndy jeńemin dep oılaımyn, — dedi Rybakına.

Eske salsaq, Shelbı Rodjers pen Elena Rybakına bes ret kezdesip, úsheýinde qazaqstandyq tennısshi jeńgen. Amerıkalyq sportshy 2020 jyly hard tósenishinde US Open týrnırin, 2022 jyly Hertogenbosta kógalda utqan. Al Rybakına 2021 jyly kógalda Berlın men Ýımbldonda, 2022 jyly hardta Adelaıdada Rodjersti jeńdi.

Sonymen bireg Rybakıana jarysqa qalaı daıyndalyp jatqanyn da aıtty.

Jarysqa daıyndyq jaqsy boldy. Biraq tolyq daıyndalyp úlgergen joqpyz. Múmkindiginshe jaqsy daıyndalýǵa tyrystym.  Maǵan «Rolan Garrostan» keıin ońaı bolǵan joq. Sebebi, syrqatyma baılanysty jarystarǵa qatyspady. Qysqasy, ýaqyt kerek boldy. Bir apta eshteńe istegen joqpyn. Sodan keıin ǵana óz-ózime kele bastadym, — dedi ol.

Qazir tennıs mamandary Elena Rybakınany  Ýımbldondaǵy chempıondyqtan basty úmitkerlerdiń qataryna qosyp otyr.

FOTO: Qazaqstan tennıs federaııasy