بۋبليك ۋيمبلدون ءتۋرنيرىن جەڭىسپەن باستادى

الەمنىڭ 26-راكەتكاسى الەكساندر بۋبليك ۋيمبلدون ءتۋرنيرىن جەڭىسپەن باستاپ، جارىستىڭ ەكىنشى اينالىمىنا شىقتى.

ول العاشقى اينالىمدا دۇنيەجۇزىلىك رەيتينگتە 54-ورىندا تۇرعان امەريكالىق ماككەنزي ماكدونالدپەن ويناپ، ونى 6:7 (3:7)، 6:4، 6:4، 6:4 ەسەبىمەن ۇتتى.

ءبىرىنشى پارتيادا تاي-برەيكتە امەريكالىق سپورتشى ءساتتى ويناپ، بۋبليكتى 7:6 (7:3) ەسەبىمەن جەڭدى. ودان كەيىن ەكىنشى سەتتە ەسەپ 4:4 بولعان كەزدە بۋبليك برەيك جاساپ، ەسەپتى 6:4-كە جەتكىزدى.

ءۇشىنشى سەتتە قازاقستاندىق تەننيسشى دوپ بەرگەن كەزدە قاتەلىك جىبەرىپ، قارسىلاسىنىڭ برەيك جاساۋىنا جول بەرىپ قويدى.  دەگەنمەن ەسەپتى 4:4 ەتىپ، تارازى باسىن تەڭەستىرە الدى. سودان كەيىن تاعى ءبىر برەيككە جاساپ، پارتيانى ءوز پايداسىنا شەشتى. ەسەپ  – 6:4.

ءتورتىنشى پارتيادا بۋبليك تاعى دا برەيك جاساپ، 3:1 ەسەبىمەن العا شىقتى. سوسىن پارتيانى 6:4 ەسەبىمەن اياقتادى.

ويىن ەكى ساعات 49 مينۋتقا سوزىلدى.  ماتچ اسا تارتىستى بولدى. وسى ويىندا بۋبليك 24 ەيس جاساپ، 11 برەيك-پوينتتىڭ تورتەۋىن پايدالاندى.

ەندى ول ەكىنشى اينالىمدا تاعى ءبىر امەريكالىق، الەمنىڭ 48-راكەتكاسى دجەففري دجون ۆولفپەن كورتقا شىعادى.

داستان كەنجالين،

استانا