ۋيمبلدون ءتۋرنيرى: ەلەنا رىباكينا ءتورتىنشى اينالىمعا شىقتى

قازاقستاننىڭ ءبىرىنشى، الەمنىڭ 3-راكەتكاسى ەلەنا رىباكينا ۋيمبلدون ءتۋرنيرىنىڭ ءتورتىنشى اينالىمىنا شىقتى.

رىباكينا ءۇشىنشى اينالىمدا ۇلىبريتانيانىڭ ءبىرىنشى، الەمنىڭ 89-راكەتكاسى كەتي بۋلتەرمەن وينادى.

ولار كورتتا العاش رەت كەزدەستى. لوندوندا جاڭبىر جاۋىپ، ماتچتىڭ ءوزى ءبىرشاما ۋاقىتقا كەشىگىپ باستالدى.

ءبىرىنشى پارتيادا ەلەنا رىباكينا برەيك جاساپ، 3:1 ەسەبىمەن العا شىقتى. سوسىن تاعى ءبىر برەيك جاساپ، ەسەپتى 5:1-گە جەتكىزدى. ءسويتىپ، ءوز گەيمىن قينالماي ۇتتى. ەسەپ – 6:1.

رىباكينا ەكىنشى سەتتى دە ەسەپتى 2:0-گە جەتكىزىپ، برەيكپەن باستادى. ودان كەيىن ماتچتى كەزەكتى برەيكپەن ءتامامدادى. ەسەپ – 6:1.

ءبىر ساعاتقا جۋىق ۋاقىتقا سوزىلعان باسەكە تەننيسشى 7 ەيسپەن بىرگە 7 برەيك-پوينتتىڭ بەسەۋىن ءوز ەسەبىنە جازدى.

ەندى ەلەنا رىباكينا شيرەك فينالعا شىعۋ ءۇشىن الەمنىڭ 13-راكەتكاسى، برازيليالىق بەاتريس حادداد مايامەن كەزدەسەدى.

داستان كەنجالين،

استانا