SportPress.kz قازاقستان سپورت جاڭالىقتارى
سەمەي قالاسىنىڭ اكىمى نۇربول نۇرساعاتوۆ ءلاززات باقتياروۆانىڭ تۋىستارىنا كوڭىل ايتتى، دەپ حابارلادى قالا اكىمدىگىنىڭ ءباسپاسوز قىزمەتى.
الەم چەمپيوناتىنىڭ جۇلدەگەرى جانە ءبىرىنشى ازيا-تىنىق مۇحيتى ويىندارىنىڭ جۇلدەگەرى، جيىرما ءتورتىنشى سۋردليمپيادا ويىندارىنىڭ قولا مەدالىنىڭ يەگەرى ءلاززات باقتياروۆا مەزگىلسىز ومىردەن ءوتتى. وعان وسىدان ءبىر اي بۇرىن اكىم نۇربول نۇرساعاتوۆ ءلاززات باقتياروۆاعا پاتەر كىلتىن تاپسىرعان ەدى.
ءبىزدىڭ جەرلەسىمىز، الەم چەمپيوناتىنىڭ جۇلدەگەرى جانە ءبىرىنشى ازيا-تىنىق مۇحيتى ويىندارىنىڭ جۇلدەگەرى، جيىرما ءتورتىنشى سۋردليمپيادا ويىندارىنىڭ قولا مەدالىنىڭ يەگەرى ءلاززات باقتياروۆانىڭ مەزگىلسىز ومىردەن وزعاندىعى تۋرالى حاباردى زور كۇيزەلىسپەن قابىلدادىق. ونىڭ جەتىستىكتەرى ءبارىمىز ءۇشىن مىزعىماس رۋح پەن جەڭىسكە دەگەن ەرىك-جىگەردىڭ لايىقتى ۇلگىسى بولا ءبىلدى. وسىدان ءبىر اي بۇرىن ءلاززات قارىنداسىمىزعا پاتەر كىلتىن تابىستاعانمىن. ونىڭ ومىرگە دەگەن قۇشتارلىعى، تۋعان قالاسىنا دەگەن سۇيىسپەنشىلىگى زور ەدى. امال نەشىك، اجال عايىپ بويجەتكەن شاعىندا ءلاززات قارىنداسىمىزدى ورتامىزدان الىپ كەتتى. مارقۇمنىڭ وتباسىنا، تۋعان-تۋىستارىنىڭ قايعىسىنا ورتاقتاسىپ، شىن جۇرەكتەن كوڭىل ايتامىن!، — دەدى نۇرساعاتوۆ.
SportPress.kz اقپاراتتىق-ساراپتامالىق سپورت سايتى ءلاززات باقتياروۆانىڭ قازاسىنا بايلانىستى ونىڭ تۋعان-تۋىستارى مەن جاقىندارىنا كوڭىل ايتادى.
