Álem chempıonatynyń júldegeri kóz jumdy

Semeı qalasynyń ákimi Nurbol Nursaǵatov Lázzat Baqtııarovanyń týystaryna kóńil aıtty, dep habarlady qala ákimdiginiń baspasóz qyzmeti. 

Álem chempıonatynyń júldegeri jáne birinshi Azııa-Tynyq muhıty oıyndarynyń júldegeri, jıyrma tórtinshi Sýrdlımpıada oıyndarynyń qola medaliniń ıegeri Lázzat Baqtııarova mezgilsiz ómirden ótti. Oǵan osydan bir aı buryn ákim Nurbol Nursaǵatov Lázzat Baqtııarovaǵa páter kiltin tapsyrǵan edi.

Bizdiń jerlesimiz, álem chempıonatynyń júldegeri jáne birinshi Azııa-Tynyq muhıty oıyndarynyń júldegeri, jıyrma tórtinshi Sýrdlımpıada oıyndarynyń qola medaliniń ıegeri Lázzat Baqtııarovanyń mezgilsiz ómirden ozǵandyǵy týraly habardy zor kúızelispen qabyldadyq. Onyń jetistikteri bárimiz úshin myzǵymas rýh pen jeńiske degen erik-jigerdiń laıyqty úlgisi bola bildi. Osydan bir aı buryn Lázzat qaryndasymyzǵa páter kiltin tabystaǵanmyn. Onyń ómirge degen qushtarlyǵy, týǵan qalasyna degen súıispenshiligi zor edi. Amal neshik, ajal ǵaıyp boıjetken shaǵynda Lázzat qaryndasymyzdy ortamyzdan alyp ketti. Marqumnyń otbasyna, týǵan-týystarynyń qaıǵysyna ortaqtasyp, shyn júrekten kóńil aıtamyn!, — dedi Nursaǵatov.

SportPress.kz aqparattyq-saraptamalyq sport saıty Lázzat Baqtııarovanyń qazasyna baılanysty onyń týǵan-týystary men jaqyndaryna kóńil aıtady.