Chempıondar lıgasy: «Astana» Tbılısıdiń «Dınamosymen» teń tústi

Astanada fýtboldan UEFA Chempıondar lıgasy birinshi irikteý týrnırinde «Astana» óz alańynda Tbılısıdiń «Dınamo» komandasymen kezdesip, teń tústi.  

Oıynnyń 11-mınýtynda «Astana»klýbynyń  shabýylshysy Abat Aıymbetov qaqpany dál kózdep, esep ashty. Odan keıin de jergilikti komanda esepti eseleýge tyrysty.

Ekinshi taımda Tbılısıdiń «Dınamosy»  quramyndaǵy Gabrıel Sıgýa tarazy basyn teńestirdi. Budan keıin «Astana» ekinshi goldy salýǵa barynsha tyrysyp edi. Alaıda oıyn sońyna deıin esep ózgergen joq.

Kezdesý 1:1 esebimen teń aıaqtaldy.

Endi eki komanda arasyndaǵy kelesi match 19 shildede Grýzııanyń astanasynda bolady.

Buǵan deıin «Astana» Chempıondar lıgasynyń 2015-2016 jylǵy maýsymynda týrnırdiń toptyq kezeńinde óner kórsetti.

Al, 2016, 2017, 2018 jyldarda Eýropa lıgasy toptyq kezeńinde synǵa tústi.

«Astana» (Astana, Qazaqstan) – «Dınamo» (Tbılısı, Grýzııa) – 1:1

Goldar: Aıymbetov, 11 (1:0). Sıgýa, 57 (1:1).

Eskertý: Aleksandr Kalandadze, 51

«Astana»: Iosıp Chondrıch (Q) – Ian Vorogovskıı (Elhan Astanov, 88), Aleksa Amanovıch, Abzal Beısebekov (K), Varazdat Aroıan, Mıhaıl Gabyshev (Kamo Oganesıan 16) – Maks Ebong (Aslan Darabaev, 88), Dýshan Iovanchıch – Fabıen Ýrega (Tımýr Dosmaǵambetov, 73), Marın Tomasov, Abat Aıymbetov (Dembo Darbo, 73);

Qosalqy quram: Aleksandr Zarýkıı (Q), Danıl Podymskıı (Q) – Islambek Qýat, Nuráli Jaqsylyq – Vladıslav Prokopenko, Stanıslav Basmanov;

Bas jattyqtyrýshy: Grıgorıı Babaıan.

«Dınamo» Tbılısı: Georgıı Lorııa (Q) – Davıd Koboýrı (Aleksandr Kalandadze, 46), Djemal Tabıdze, Gagı Margvelashvılı, Nıkoloz Malı (Georgıı Maısýradze, 72) – Barns Oseı (Levan Osıkmashvılı, 72), Georgıı Haraıshvılı (Saba Hvadagıanı, 72), Imran Ýlad Omar (Mýssa Sangare, 81) – Ýsman Kamara, Gabrıel Sıgýa, Davıd Shırtladze;

Qosalqy quram: Davıd Kereselıdze (Q), Lýka Kýtaladze (Q) – Lýka Lakvehelıanı – Georgıı Moısrapıshvılı – Djadýlı Iobashvılı;

Bas jattyqtyrýshy: Georgıı Chıabrıshvılı.

Bas tóreshi: Krıstıan-Petrý Chokırka;

Tóreshiniń kómekshileri: Maksımılıan Vaıss, Mıhael Obrıberger;

Tórtinshi tóreshi: Harald Lehner (bári – Avstrııa).

12 shilde, 2023 – 20:00. Astana, «Astana Arena». 27 328 adam.

 

Dastan KENJALIN,

ASTANA