Kúresten ACh: Qazaqstannyń áıelder quramasy 3 júlde aldy

Iordanııanyń astanasy Amman qalasynda kúres túrlerinen ótip jatqan Azııa chempıonatynyń (U15&U20) altynshy kúni U20 áıelder kúresinen 5 kg salmaq dárejesinde beldesýler ótip, ulttyq qurama úsh júldeni jeńip aldy.

Negizi bes salmaqtyń beseýinde de áıelder quramasy qola júlde úshin beldesýge múmkindik alǵan bolatyn. Olardyń arasynan 50 kelidegi Laýra Ǵanıqyzy túrkimen Lachyn Annamýradovany aıqyn basymdyqpen utyp, alǵashqy qola júldeni jeńip alsa, 55 kelidegi Zeınep Baıanova ózbek Aısanem Qurbanbaevadan aılasyn asyryp, ekinshi qola medaldiń ıesi atandy.

Úshinshi qola júldeni Taıpeı ókili Chjı I Lıden basym túsken Jibekjan Sabyrjanova (68 keli) qorjynǵa saldy. О́kinishke qaraı, 59 kelidegi Mádına Aman men 76 kelidegi Araılym Altynbek qoldarynda turǵan júldeden aıyrylyp qaldy.

Búgin jarys jolyna áıelder kúresinen 53, 57, 62, 65 jáne 72 kelidegi qyzdar shyǵyp, qurlyq dodasyn ózara sarapqa salady.

Aspandııar ESENJOLOV,

FOTO: Kúres túrleri federaııasy