مەسسي مەن بۋسكەتس «ينتەر ماياميدەگى» العاشقى جاتتىعۋلارىن وتكىزدى (فوتو)

ارگەنتينا قۇراماسىنىڭ فۋتبولشىسى ليونەل مەسسي مەن يسپانيا قۇراماسىنىڭ جارتىلاي قورعاۋشىسى سەرحيو بۋسكەتس «ينتەر مايامي» كلۋبىنداعى العاشقى جاتتىعۋلارىن وتكىزدى.

بۇل كوماندامەن مەسسي جاقىندا كەلىسىمشارتقا جاساسىپ، قۇرامىنا قابىلدانعان بولاتىن. «ينتەر ءماياميدىڭ» جاتتىعۋىنا مەسسيمەن بىرگە كوماندانىڭ قۇرامىنا الىنعان يسپانيانىڭ بەلگىلى ويىنشىسى سەرحيو بۋسكەتس تە قاتىسقان.

ەسكە سالا كەتسەك، مەسسي مەن بۋسكەتس 16 شىلدەدە سالتاناتتى جاعدايدا «ينتەر مايامي» كلۋبىنا تانىستىرىلدى. بۇل ءىس-شارانى اقش-تىڭ مىڭجاعان جانكۇيەر كەلىپ، تاماشالادى.

ەكەۋى دە امەريكالىق كلۋبقا بوس اگەنت رەتىندە اۋىستى. ليونەل مەسسي مەن سەرحيو بۋسكەتستىڭ  «ينتەر مايامي» كلۋبىمەن كەلىسىمشارتى امەريكالىق فۋتبول ليگاسىنىڭ (MLS) 2025 جىلعى فۋتبول ماۋسىمىنىڭ سوڭىنا دەيىن جاسالعان.

داستان كەنجالين،

استانا