گولوۆكين قازاقستانعا ورالىپ، العاشقى فوتوسىن جاريالادى

بوكستان ورتا سالماقتاعى الەمنىڭ ەكس-چەمپيونى گەننادي گولوۆكين الەۋمەتتىك جەلىدەگى پاراقشاسىندا قازاقستانعا ورالعاننان كەيىنگى العاشقى فوتوسىن جاريالادى.

ول داستارحان باسىندا وتىرىپ، قازاقتىڭ ۇلتتىق تاعامدارى قويىلعان فوتوسۋرەتتى جاريالاپ، Instagram-داعى گەولوكاتسياسىن «قازاقستان» دەپ كورسەتكەن.

داستارحان باسىندا. ۇيدە جاقسى ەكەن، — دەپ جازدى ول.

بۇعان دەيىن بوكسشى سۇلتان زاۋىربەك اۋەجايدا گەننادي گولوۆكينمەن تۇسكەن فوتوسىن جاريالاپ، ەلگە بىرگە بارا جاتقانىن جازعان ەدى.

گەنا اعامىزبەن ەلگە قايتتىق، — دەگەن ەدى ول سول كەزدە.

ازىرشە گولوۆكين ەلگە كەلىسىمەن الداعى جوسپارى تۋرالى ايتپادى.  ول سوڭعى رەت مەكسيكالىق ساۋل «كانەلو» الۆارەسكە قارسى ءۇش رەت جەكپە-جەك وتكىزگەن بولاتىن. سول كەزدە گولوۆكين ءۇش كەزدەسۋدىڭ بىرەۋىندە الۆارەسپەن تەڭ تۇسسە، ەكەۋىندە تورەشىلەردىڭ شەشىمىمەن مەكسيكالىقتان جەڭىلگەن ەدى.

داستان كەنجالين،

استانا

 

View this post on Instagram

 

A post shared by Gennadiy Golovkin | GGG (@gggboxing)