Qazaqstan sportshylarynyń Ýnıversıadadaǵy jarys kestesi shyqty

Qytaıdyń Chendý qalasynda ótetin Dúnıejúzilik stýdenttik oıyndaryna qatysatyn Qazaqstan sportshylarynyń jarys kestesi shyqty.

Ýnıversıtet sportshylarynyń halyqaralyq federaııasynyń (FISU) XXXI Dúnıejúzilik stýdenttik oıyndary Qytaıdyń ońtústik-batysyndaǵy Sychýan provınııasynyń Chendý qalasynda 28 shilde men 8 tamyz aralyǵynda ótedi.

Oǵan Qazaqstan atynan sporttyń 11 túrinen 93 sportshy qatysady. Sportshylar sadaq atý, oq atý, jeńil atletıka, sporttyq gımnastıka, dzıýdo, kórkem gımnastıka, ústel tennısi, taekvondo, ý-shý, júzý men semserlesýden kúsh synasady. El quramasy 26 joǵary oqý ornynyń stýdentterinen jasaqtalǵan.

28 shildede Ýnıversıadanyń ashylý saltanaty ótedi. Al 27 shildede stýdentter sadaq atýdan jarys jolyna shyǵady.

Ýnıversıadada sporttyń 18 túrinen 269 medal jıyntyǵy sarapqa salynady. Oǵan álemniń túkpir-túkpirinen on myńnan astam sportshy qatysady.

Ýnıversıada jarystary «Armandar Chendýde shyndyqqa aınalady» uranymen ótedi. Ýnıversıadanyń boıtumary 2019 jylǵy 30 jeltoqsanda tanystyrylǵan «Ronq Bao» pandasy boldy.

27 shildede Chendý qalasynyń ýaqyty boıynsha saǵat 20.00-de sport qalashyǵynda memlekettik týdy kóterý rásimi ótedi.

Dastan KENJALIN,

ASTANA