Konferenııa lıgasy: «Ordabasy» teń tússe, «Aqtóbe» men «Tobyl» jeńiske jetti (FOTO, VIDEO)

Konferenııa lıgasynyń ekinshi irikteý týrnırinde elimizdiń úsh klýby – Shymkenttiń «Ordabasy», Qostanaıdyń «Tobyl» men Aqtóbeniń «Aqtóbe» komandalary jarys jolyna shyqty.

Áýeli Astana ýaqyty boıynsha «Ordabasy» óz alańynda Polshanyń «Legııa» jasaǵymen oınady. Shymkenttiń komandasy oıyn kezinde 2:0 esebimen utyp jatyp, qaqpasyna eki gol jiberip alyp, qolda turǵan jeńisten aıyrylyp qaldy. Sóıtip, match 2:2 esebimen teń aıaqtaldy.

Alań ıeleri quramynda oıynnyń 13-mınýtynda Vsevolod Sadovskıı birinshi bolyp gol salsa, 48-mınýtta Mamadý Mbodj ekinshi dopty torǵa toǵytty. Sodan keıin qonaqtar sapynda 63-mınýtta Tomash Pedgart esepti qysqartsa, 86-mınýtta Blaj Kramer esepti teńestirdi. «Legııanyń» ekinshi goly kúmán týǵyzdy. «Ordabasy» klýby match aıaqtalǵan soń, ony oıynnan tys, ıaǵnı offsaıdtan salynǵan dedi.

Endi kelesi match 4 tamyzda Varshavada bolady.

Qazaqstan klýbtary qatysqan ekinshi match Astana ýaqytymen saǵat 22.50-de Grýzııanyń Kýtaısı qalasynan kórsetildi. Munda jergilikti «Torpedo» klýby «Aqtóbemen» kezdesti.

Bul matqa «Aqtóbeniń» fýtoblshylary klýbtyń basshysy Sergeı Kýlenkonyń kesirinen oıyn bolatyn kúni bardy. Shynyn aıtý kerek, mundaı jaǵdaı Qazaqstan fýtbol keńistiginde buryn-sońdy bolmaǵan. Halyqaralyq jarysqa barlyq talap, ereje boıynsha bir kún erte barmaı, oıyn bastalatyn kúni jetip barý degen elimiz táýelsizdik alǵan kezden beri áli bolyp kórgen joq. Solaı desek te «Aqtóbe» Grýzııada bir kún buryn jattyqpaı, matchtyń bastalýyna sanaýly saǵattar qalǵanda barsa da namysqa tyrysyp, jaqsy oıyn órnegin kórsetti.

Matchta qazaqstandyq klýb senimdi oınady. 34-mınýtta «Aqtóbe» sapynan Álibek Qasym penaltıden múlt ketken joq. Al 43-mınýtta Mılosh Raıchkovıch esepti eselese, 73-mınýtta Maksım Samorodov úshinshi goldyń avtory atandy.

«Torpedo» sapynan Georgıı Arabıdze 89-mınýtta esep aıyrmasyn bir golǵa ǵana qysqarta aldy. Oıyn endi bitedi degende «Aqtóbe» taǵy da Kýtaısıdiń Ramaz Shengelia FC Torpedo Kutaisi Stadium stadıonyna jınalǵan jankúıerlerdi jerge qaratty. 93-mınýtta «Aqtóbeniń» oıynshysy Andrııa Fılıppovıch qaqpany dál kózdedi.

Osylaısha «Aqtóbe» qarsylasynan 4:1 esebimen basym tústi. Endi kelesi match Aqtóbede 3 tamyzda bolady.

Konferenııa lıgasynyń ekinshi irikteý týrnırinde «Tobyl» klýby da syrt alańda jeńiske jetti. Qostanaıdyń komandasy Shveıarııanyń «Bazel» jasaǵyn 3:1 esebimen utty.

Bul match Astana ýaqytymen kesh bastaldy. Saǵat tili 23.20-ge jaqyndaǵanda komandalar jasyl alańǵa shyqty. Shynyn aıtqanda, bul oıynda Qostanaıdyń jasaǵyna kóp úmit artylmaǵan edi. Bás tikken jankúıerdiń kóbisi Alpi taýynyń eteginde jatqan eldiń komandasy jeńiske jetedi dep boljam da jasaǵan. Alaıda «Tobyl» oıynda erik-jiger, minez kórsetip, kambek jasap, alań ıelerinen 3:1 esebimen basym tústi.

Matchtyń alǵashqy mınýttarynda «Bazeldiń» basymdyǵy kórinip turdy. Olar birinen soń biri shabýyl jasap, aqyry sońynda birinshi bolyp esep ashty. 25-mınýtta Terno Barrı kózdegen nysanadan múlt ketken joq.

Ekinshi taımda «Tobyl» komandasy tarazy basyn teńestirýge tyrysyp, alǵa umtyldy. Osy kezde Ramazan Orazovtyń penaltıden esepti teńestirýge tamasha múmkindigi boldy. Biraq ol 11 metrlik aıyp doby alańynan qaqpashydan aılasyn asyra almaı qaldy.

Oıynnyń 57-mınýtynda Qostanaıdyń klýbyna taǵy da penaltıden esepti teńestirýge múmkindik berildi. Osyny Serj Deble paıdalanyp, penaltıden sheberligin kórsetti.

Osydan keıin Ramazan Orazov 62-mınýtta alystan qaqpany dál kózdep, tamasha gol saldy. Al Islam Chesnokov 71-mınýtta tablodaǵy esepke ózgeris engizdi. Sóıtip, «Tobyl» syrt alańda kambek jasap, qarsylastaryn qapyda qaldyryp ketti.

Qostanaıdyń klýby birinshi irikteý satysynda Fınlıandııanyń «Honka» komandasynan eki oıynnyń (2:1, 0:0) nátıjesinde úzdik bolyp, ekinshi satyǵa shyqqan edi. Endi «Tobyl» taǵy da 3 tamyzda bolatyn «Bazelmen» oıynda úzdik shyqsa, onda irikteý týrnıriniń úshinshi kezeńinde «Derrı Sıtı» (Irlandııa) men KýPS (Fınlıandııa) komandalarynyń arasyndaǵy matchtardyń jeńimpazymen kezdesedi.

 

Dastan KENJALIN,

ASTANA