Súıinshi! Qazaqstan Ýnıversıadada  altyn júldeni jeńip aldy

Qytaıdyń Chendý qalasynda ótip jatqan Dúnıejúzilik stýdentter oıyndarynda Qazaqstan quramasy alǵashqy altyn medaldi jeńip aldy.

Taekvondoshy Rıta Bakısheva 46 kg salmaq dárejesinde Taıpeıdiń ókili Hýan In Sýandy utyp, Ýnıversıada chempıony atandy.

Suńǵat Jubatqan men Asqar Narqulov qola júldeni jeńip aldy.

Áýeli Suńǵat Jubatqan 66 keli salmaqta kúresip, Qazaqstan quramasynyń qorjynyna alǵashqy júldeni saldy. Ol úshinshi oryn úshin beldesýde ózbekstandyq qarsylasyn tize búktirip, jeńiske jetti.

Odan keıin kilemge 73 kg salmaq dárejesinde shyqqan  Asqar Narqulov Qazaqstan quramasyna ekinshi qola medaldi syılady.

Dastan KENJALIN,

ASTANA