بياتلونشى ۆاديم كۋرالەس اقش-تىڭ لەيك-پلەسيد قالاسىندا ءوتىپ جاتقان قىسقى ۋنيۆەرسيادانىڭ چەمپيونى اتاندى. ۆاديم كۋرالەس 15 شاقىرىم قاشىقتىقتا جەكەلەي سىندا مارە سىزىعىن ءبىرىنشى بولىپ قيدى. جارىس جولىنا 16-بولىپ شىققان ۆاديم نىسانا كوزدەۋدەن ءبىر عانا رەت (0+1+0+0) ءمۇلت كەتىپ، 42:37.4 مينۋت ناتيجە كورسەتتى. نورۆەگيالىق بياتلونشى ەريان موسەنگ وتانداسىمىزدان 42،6 سەكۋندقا قالىپ قويىپ، ەكىنشى ورىنعا يە بولدى. فرانتسيالىق اكسەل گارنە (+1:16.5) ۇزدىك ۇشتىكتى ...

تەننيسشىلەر ايا نۇپباي مەن اسىلجان ارىستانبەكوۆا ءۇندىستاننىڭ استاناسى دەلي قالاسىندا وتكەن ەكىنشى ساناتتاعى J200 DELHI جارىسىنىڭ جەڭىمپازى اتاندى. قازاقستان تەننيس فەدەراتسياسىنىڭ حابارلاۋىنشا، نۇپباي مەن ارىستانبەكوۆا 18 جاسقا دەيىنگى اراسىندا ەلىمىزدەگى ەڭ تابىستى جۇپ بولىپ سانالادى. ولار فينالدا تايلىق دۋەتتى 6:3، 6:2 ەسەبىمەن جەڭدى. وتكەن جىلى وسى جۇپ ITF Juniors سەرياسىندا جەتى تۋرنيردە ۇزدىك شىققان بولاتىن. ولار وسىمەن 10 تيتۋلدى جەڭىپ ...

مادەنيەت جانە سپورت مينيسترلىگى دزيۋدوشىلارعا الماتىداعى وقۋ-جاتتىعۋ جيىنىندا 200 كيمونو تابىس ەتتى. بۇل تۋرالى ۆەدومستۆونىڭ سپورتتى دامىتۋ ديرەكتسياسىنىڭ ءباسپاسوز قىزمەتى حابارلادى. كۇرەسكە ارنالعان كيىم تانىمال جاپونيانىڭ Mizuno كومپانياسىنىڭ ءونىمى. جالپى، الماتى وبلىسىنداعى «جاڭاشار» وليمپيادالىق دايارلاۋ ورتالىعىنا بارلىعى 130-دان استام تاتامي شەبەرى جينالدى. فرانتسيادان كەلگەن الەمدىك دزيۋدو شەبەرى، ءۇش دۇركىن وليمپيادا چەمپيونى، 11 دۇركىن الەم چەمپيونى جانە 5 دۇركىن ەۋروپا چەمپيونى ...

«سپورتماستەردىڭ» دەرەكتەر بازاسى قولدى بولدى. سونىڭ سالدارىنان تمد ەلدەرىندە سپورت تاۋارلارىن ساتاتىن دۇكەندەر جەلىسى تۇتىنۋشىلارىنىڭ جەكە دەرەگى جەلىگە تاراپ كەتكەن. ونىڭ ىشىندە 260 مىڭ وتانداسىمىز دا بار. مەملەكەتتىك تەحنيكالىق قىزمەتىنىڭ مالىمەتىنە قاراعاندا، دۇكەندەر جەلىسىنەن 2012-2018 جىلدار ارالىعىندا تاۋار العان وتانداستارىمىزدىڭ اتى-ءجونى، تۋعان كۇنى، تەلەفون ءنومىرى مەن ەلەكتروندى پوشتاسى جالپاق جۇرتقا جاريا بولعان. «سپورتماستەر» كومپانياسى دەرەكتەر بازاسىنداعى مالىمەتتەردى مەردىگەرلەردىڭ ءبىرى تاراتىپ ...

اقش-تاعى لەيك-پلەسيد قالاسىندا باستالعان قىسقى ۋنيۆەرسيادا قازاقستان قۇراماسى وڭتۇستىك كورەيا كومانداسىمەن كەزدەسىپ، قارسىلاستارىن 5:1 ەسەبىمەن جەڭدى. قازاقستان قۇراماسىندا شايبالاردى الديار نۇرلان (6-مينۋت)، ماكسيم مۋسوروۆ (26-مينۋت)، كيريلل پولوحوۆ (35 جانە 37-مينۋت) پەن ماكسيم مۇحامەتوۆ (39-مينۋت) سوقتى. وڭتۇستىك كورەيا قۇراماسىندا مين دجە چان (21-مينۋت) قاقپانى ءدال كوزدەدى. ۋنيۆەرسيادادا قازاقستان قۇراماسى ۆەنگريا، ۇلىبريتانيا، سلوۆاكيا جانە اقش قۇرامالارىمەن توپتا ونەر كورسەتەدى. توپتان ءبىرىنشى جانە ...

ماروككو ەلىنىڭ ءال-كاسر ءال-كابير قالاسىنداعى مۋنيتسيپالدى ستاديون بۇدان بىلاي اشراف حاكيميدىڭ اتىمەن اتالاتىن بولدى. سپورت جانكۇيەرلەرىنە جاقسى تانىس 24 جاستاعى اشراف حاكيمي – ماروككو ۇلتتىق قۇراماسىنىڭ مۇشەسى، فرانتسيانىڭ «پاري سەن-جەرمەن» كلۋبىنىڭ جارتىلاي قورعاۋشىسى. بۇل جاڭالىق جايلى فۋتبولشىنىڭ ءوزى Facebook-تەگى پاراقشاسىنا جازدى. ول جەرگىلىكتى بيلىكتىڭ ۇيىمداستىرۋىمەن مىڭداعان ادام قاتىسقان راسىمگە قاتىسقانىن، جۇرتشىلىق ونى ءان سالىپ، بي بيلەپ قارسى العانىن ايتتى. اشراف ...

11-19 اقپان كۇندەرى تۇركيانىڭ ەرزۋرۋم قالاسىندا دۇنيەجۇزىلىك قىسقى گيمنازيادا وتەدى. ءدۇبىرلى دودا سپورتتىڭ تاۋ شاڭعىسى، بياتلون، مانەرلەپ سىرعاناۋ، حوككەي، شاڭعىمەن جۇگىرۋ، سنوۋبورد، كەرلينگ جانە شاڭعىمەن باعدارلاۋ سەكىلدى تۇرلەرىنەن بولادى. وقۋ-اعارتۋ مينيسترلىگى، ۇلتتىق عىلىمي-پراكتيكالىق دەنە تاربيەسى ورتالىعىنىڭ ءباسپاسوز حاتشىسى گۇلجاينا مۇحاشەۆانىڭ ايتۋىنشا، قازاقستان قۇراماسى قىسقى گيمنازياداعا تۇڭعىش رەت قاتىسادى. ولار سپورتتىڭ ءبىر عانا تۇرىنەن، شاڭعىمەن جۇگىرۋدەن كۇش سىناسادى. وقىرماننىڭ نازارلارىنا قىسقى ...

اقش-تىڭ لەيك-پلەسيد قالاسىندا قىسقى ۋنيۆەرسيادا سالتاناتتى تۇردە اشىلدى. وعان ەلىمىزدىڭ اتىنان 78 سپورتشى قاتىسادى. قۇراما شتاتتاردا ەل نامىسىن 17 جوعارى وقۋ ورنىنىڭ ستۋدەنتتەرى سپورتتىڭ 10 تۇرىنەن قورعايدى. ونىڭ ىشىندە شاڭعىمەن جارىسۋدان – 14، شورت-ترەكتەن – 12، بياتلوننان – 9، مانەرلەپ سىرعاناۋ مەن كونكيمەن جۇگىرۋدەن – 6، سنوۋبورد، تاۋ شاڭعىسى سپورتى، تۇعىردان سەكىرۋ مەن قوسسايىستان – 2، شايبالى حوككەيدەن 23 وتانداسىمىز ...

الەمنىڭ 51-راكەتكاسى يۋليا پۋتينتسەۆا اۆستراليانىڭ حوبارت قالاسىندا ءوتىپ جاتقان WTA 250 ءتۋرنيرىنىڭ شيرەك فينالىنا شىقتى. پۋتينتسەۆا ەكىنشى اينالىمدا الەمنىڭ 77-راكەتكاسى، يسپانيالىق نۋريا پارريزاس-دياسپەن كەزدەستى. پۋتينتسەۆا قارسىلاسىنان 6:2، 6:3 ەسەبىمەن باسىم ءتۇستى. ەندى ول جۇلدە قورى 259 303 اقش دوللارىنا باعالانعان جارىستىڭ جارتىلاي فينالىنا شىعۋ ءۇشىن الەمنىڭ 72-راكەتكاسى، رەسەيلىك اننا بلينكوۆامەن كەزدەسەدى.   داستان كەنجالين، استانا

جىلدىڭ العاشقى «ۇلكەن دۋلىعا» ءتۋرنيرى – اۆستراليا اشىق چەمپيوناتىنىڭ جەرەبەسى تارتىلدى. قازاقستاننىڭ ءبىرىنشى، الەمنىڭ 23-راكەتكاسى ەلەنا رىباكينا العاشقى اينالىمدا دۇنيەجۇزىلىك رەيتينگتە 67-ورىندا تۇرعان يتاليالىق ەليزابەتتا كوچچارەتومەن كەزدەسەدى. رەيتينگتە 51-ساتىداعى يۋليا پۋتينتسەۆا الەمنىڭ 43-راكەتكاسى، رۋمىنيالىق سورانا كىرستيامەن كۇش سىناسادى. ەرلەر اراسىندا قازاقستاننىڭ ءبىرىنشى، الەمنىڭ 36-راكەتكاسى الەكساندر بۋبليك رەيتينگتە وزىنەن ءتورت ساتى جوعارى تۇرعان يسپانيالىق الەحاندرو داۆيدوۆيچ — فوكينانى جەڭىپ كورۋگە تىرىسادى. ...