Azııa chempıonatyna úsh kún qaldy

Azııa chempıonatynyń júldesin sarapqa salatyn sheteldik aýdaryspaqshylar qatarynda kimder bar? Teńge ilýshiler saıysyna kimder qatysady? Dúbirli doda bastalar ýaqyt taıaý qalǵan saıyn jankúıer kókeıin osyndaı saýaldardyń mazalaıtyny anyq. Árıne, birer kún buryn barlyq sportshylardyń tizimi jarııalandy. Qazaq eliniń namysyn qorǵaıtyn aýdaryspaqshylar men teńge ilý sheberleri jan-jaqty tanystyryldy. Biz búgin qolymyzda bar derekter boıynsha sheteldik sportshylardyń birqataryn oqyrman nazaryna usynýdy jón kórdik. Ázirge, Mońǵolııa memleketinen Azııa chempıonatyna saılanyp keletin sportshylarmen tanys bolyńyzdar.

 Baǵlan Ydyrysh – asa aýyr salmaqta synǵa túsetin mońǵolııalyq balýan. Aýdaryspaqtan Monǵolııanyń 2 dúrkin chempıony, Azııa chempıonatynda 4 oryn ıelengen. 36 jastaǵy Baǵlan Ydyrysh sońǵy 5-6 jyldan beri aýdaryspaqtan uıymdastyrylǵan halyqaralyq jarystardyń barlyǵyna qatysqan tájirıbeli balýan. Ol 2017 jyly Astanada ótken I halyqaralyq týrnırdiń alǵashqy aınalymynda qyrǵyzstandyq Nurlan Moldaqulovqa ese jiberip, jarys jolynan shyǵyp qalǵan bolatyn.

Dosjan Baıysǵalan  – 90 kg salmaqta synǵa túsetin mońǵolııalyq balýan. Aýdaryspaqtan  Monǵolııanyń birneshe dúrkin chempıony. Osy jyly orda buzar otyz jasqa tolǵan  Dosjan Astanada 2017 jyly  Aýdaryspaqtan ótken halyqaralyq týrnırdiń qola júldegeri. Byltyr asa aýyr salmaqta baq synaǵan Dosjannyń qarqyny qatty boldy. Asa aýyr salmaqta halyqaralyq týrnırdiń alǵashqy aınalymdarynda qarsylas shydatpaǵan Dosjan  tek bizdiń  Birjan Qosalıev pen Qytaı Halyq Respýblıkasynyń balýany Serik Úsennen ǵana utylyp, týrnırdiń qola júldesin  qanjyǵasyna baılap qaıtqan.

Jeńisbek Serikuly  — 80 kılo salmaqta synǵa túsetin monǵolııalyq balýan. Aýdaryspaqtan Monǵolııanyń eki dúrkin chempıony, Qytaıda ótken II Azııa chempıonatynda tórtinshi oryn ıelengen, 2017 jyly Astanada Aýdaryspaqtan ótken halyqaralyq týrnırdiń kúmis júldegeri. О́tken jyly 80 keli salmaqtaǵy bizdiń bas balýanymyz Rahmatilla Esimhanmen fınalda saıysqan óte ádisqoı balýan.

Janarbek Serikuly – 70 kılo salmaqta synǵa túsetin monǵolııalyq balýan. Ol 1993 jyly týǵan jas sportshy. Ulttyq sport túrlerinen Mońǵolııadaǵy jarystarda top jarǵan. 2018 jyly Mońǵolııada ótken aýdaryspaqtan irikteý jarysynyń jeńimpazy.

Jeńisbek Manahaıuly – monǵolııalyq úzdik Teńge ilýshi.  Monǵolııa chempıonatynda Teńge ilý sportynan  eki dúrkin chempıon atanǵan. 2018 jylǵy respýblıkalyq Asaý úıretý chempıonatynda top jarǵan.

Tólegen JÁKITAI