Aqtóbede H Búkilqazaqstandyq jazǵy Ýnıversıada bastaldy

Búgin Aqtóbe qalasyndaǵy «Muz aıdyny» sport kesheninde Jastar jylyna arnalǵan H  Búkilqazaqstandyq Ýnıversıadanyń ashylý saltanaty ótti.

Bıyl irgetasy qalanǵanyna 150 jyl tolatyn Aqtóbe mekenine 60-qa jýyq joǵary bilim ordalarynyń sportshylary jınaldy.

Ýnıversıadany Aqtóbe oblysynyń ákimi Ońdasyn Orazalın  quttyqtaý sózimen ashyp, qatysýshylarǵa sáttilik tiledi.

Qazaqstan Respýblıkasy stýdentter sporty federaııasynyń prezıdenti Qaırat Zakırıanov sharany tıisti deńgeıde ótkizgeni úshin uıymdastyrýshylarǵa alǵys aıtty.

Osydan keıin Ýnıversıada-2019 týyn Nartaı Qajekov (djıý-djıtsýdan jazǵy Azııa oıyndarynyń júldegeri), Igor Vornıkov (Djıý-djıtsýdan jastar arasyndaǵy álem chempıonatynyń júldegeri), Muhtar Esenǵosuly (grek-rım kúresinen álem chempıonatynyń júldegeri), Malaıdar Beksultan (erkin kúresten álem chempıonatynyń júldegeri), Muratbek Majıtov (erkin kúresten Qazaqstan chempıony) jáne Amankeldi Dastan (pankratıonnan Azııa chempıonatynyń júldegeri) sekildi Aqtóbe sportynyń maqtanyshtary alyp shyqty. Ýnıversıadanyń gımni oınalyp, týy kókke kóterildi.

Eń áserli shyqqan sát Ýnıversıada alaýyn jaǵý rásimi boldy. Alaýdy sýǵa júzýden álem kýbogynyń ıegeri, Para Azııa oıyndaryna qatysýshy, «Qazaqstannyń 100 jańa  esimi»  tizimine engen Shahan Joldaspaev alyp shyǵyp, stýdentter arasynda bokstan álem chempıony Abaı Qýandyqovqa tabys etti. Osydan keıin dzıýdo kúresinen álem chempıonatynyń kúmis júldegeri, búkilálemdik Ýnıversıadanyń qola júldegeri, Qazaqstanǵa eńbek sińirgen sport sheberi Rústem Ibraev alaýdy jaqty.

Osylaısha H jazǵy búkilqazaqstandyq ýnıversıada oıyndary bastaldy. Sportshy-stýdentterge sáttilik tileımiz!

Musaǵalı TASQALIEV,

«Sport juldyzdary» respýblıkalyq jýrnalynyń bas redaktory

AQTО́BE