Tórt qurlyqta Túkıevtiń týlary tur

Dúnıejúzilik qazaq kúresi federaııasyn tabany kúrekteı 13 jyl basqaryp, qazaqtyń ózi jóndep qadirine jete qoımaǵan ulttyq kúresti tórt qurlyqqa málim qylyp, 30-ǵa jýyq elde federaııa qurýǵa qol jetkizgen Serik Adambolsynuly, mine, alty aıǵa jýyq jalamen qamaýda otyr.

Tamyzdyń 13-i kúni Qazaq eliniń prezıdenti Qasym-Jomart Toqaevtyń atyna bir top sport qaıratkerleri men ataqty sportshylar ashyq hat joldaǵan edik. Qazir sol hatqa qol qoıǵandar sany 10 myńnan asty. Osynyń ózi Serik Túkıevtiń el arasyndaǵy bedeliniń joǵary ekenin bildirse kerek.

Qadirli aǵaıyn, eger sporttyń ár túrin osy Serikteı azamattar qolǵa alyp, talmaı, shyn janashyrlyqpen ter tókse, Qazaqstan sportynyń jaǵdaıy qazirgi deńgeıinen áldeqaıda joǵary bolar edi. Bizder, sport mamandary men qaıratkerleri, prezıdent Toqaevqa jazǵan hatymyz ol kisiniń qolyna tıip, Serik Túkıev pen Dúnıejúzilik qazaq kúresi federaııasynyń qazirgi basshysy Islam Ábishevtiń bostandyqqa shyǵýyna tilektespiz. Sebebi, men osy eki azamattyń ulttyq kúreske sińirgen eńbegin kózimmen kórip, olar atqarǵan jumystyń basy-qasynda bolǵan adammyn.
Quzyrly oryndar osy iske ádil, ári janashyrlyqpen qarasa eken.

Marat JAHIT,

Keńes Odaǵynyń eńbek sińirgen jattyqtyrýshysy.