مەسسيدىڭ بالالىق شاعى تۋرالى مۋلتحيكايا تۇسىرىلەدى

ارگەنتينا ۇلتتىق قۇراماسى مەن «پاري سەن-جەرمەن» فۋتبول كلۋبىنىڭ شابۋىلشىسى ليونەل مەسسيءدىڭ بالالىق شاعۋ تۋرالى مۋلتحيكايا تۇسىرىلەدى. ونى  امەريكالىق كومپانيالاردىڭ ءبىرى تۇسىرەدى.

رەجيسسەرلاردىڭ ايتۋىنشا، مۋلتحيكايادا فۋتبولشىنىڭ بالالىق شاعى كورسەتىلەدى. وندا بالا لەو بەينەويىن ارقىلى الەمدى شارلاپ، ءتۇرلى كەدەرگىلەردەن وتەدى. فيلمدە امەريكالىق ستۋديانىڭ ونەرپازدارى مەن كومپوزيتورلارىنىڭ مۋزىكاسى پايدالانىلادى.

مۋلتحيكايانى ءتۇسىرۋ جۇمىستارىنا مەسسيدىڭ ءوزى دە قاتىسادى. فيلم الەمنىڭ كوپتەگەن تىلىنە اۋدارىلادى.

سەريالدىڭ قاشان شىعاتىنى ازىرشە بەلگىسىز.

مەسسي – «التىن دوپ» سىيلىعىن جەتى رەت، FIFA-نىڭ «جىل ويىنشىسى» اتاعىن التى رەت، «التىن بۋتسى» جۇلدەسىن بىرنەشە رەت جەڭىپ العان الەمدەگى جالعىز ويىنشى. بىلتىر ول ارگەنتينا قۇراماسى ساپىندا تۇڭعىش رەت الەم چەمپيونى اتاندى.

داستان كەنجالين،

استانا