SportPress.kz Qazaqstan sport jańalyqtary
Búgin Olımpıada jáne Paralımpıadaǵa daıyndyq shtaby Dene múmkindikteri shekteýli adamdarǵa arnalǵan sporttyq daıarlaý ortalyǵy men Ulttyq Paralımpıada komıtetiniń ókilderimen jıyn ótkizdi, dep habarlady Týrızm jáne sport mınıstrligi.
Kezdesýde ulttyq qurama sportshylarynyń qazirgi jaǵdaıy, qarjylandyrý men basqa aqparattyq uıymdastyrýshylyq daıyndyq máseleleri talqylandy.
Qazir Paralımpıada oıyndaryna deıin pysyqtaıtyn másele kóp. Degenmen atqarylyp jatqan daıyndyq jumystary da az emes. Para sportshylarymyzǵa laıyqty kóńil bólinip, jan-jaqty jaǵdaılar jasalyp jatyr. Shtab para sportshylarǵa barynsha qoldaý kórsetip, uıymdastyrýshylyq jumystaryn jalǵastyrady, — dedi shtab basshysy Elsııar Qanaǵatov.
XVII jazǵy Paralımpıada oıyndary bıyl 28 tamyz ben 8 qyrkúıek aralyǵynda Franııa astanasy Parıjde bolady. Oǵan álemniń 184 elinen 4 000 myńnan astam sportshy qatysyp, 22 sport túrinen 549 medal jıyntyǵy sarapqa salynady.
Qazaqstan ulttyq quramasy sporttyń 9 túrinen (para jeńil atletıka, para paýerlıftıng, para taekvondo, para ústel tennısi, para júzý, para dzıýdo, para kanoe, otyryp oınaıtyn voleıbol, para nysana kózdeý) óner kórsetýdi josparlap otyr.
Osy ýaqytqa deıin paralımpıadashylar otyryp oınaıtyn voleıboldan erler quramasy, para jeńil atletıka boıynsha ıadro laqtyrý, para kanoe, para paýerlıftıng, para nysana kózdeýden bir-bir joldamany, para júzý men para taekvondodan úsh-úshten lıenzııany, barlyǵy 11 joldamany jeńip aldy.
