Aqyn Ordabaıulynyń mereıtoıyna arnalǵan qurmetke toly týrnır

28 maýsymda Almaty qalasyndaǵy «Dınamo» stadıonynda Qazaqstan Respýblıkasynyń Qurmetti azamaty, S.Berdikulov atyndaǵy syılyqtyń ıegeri, Kordaı aýdanynyń Qurmetti azamaty, belgili sport kommentatory, aqyn—jazýshy Aqyn Ordabaıuly aǵamyzdyń 60 jasqa tolýyna oraı ardagerler arasynda fýtboldan týrnır ótti.

Bul týrnırge ózim de kýá boldym.

Týrnırdiń ashylý saltanatyna Beıjiń Olımpıadasynyń kúmis júldegeri, qazirgi Kegen aýdanynyń ákimi Nurbaqyt Teńizbaev, qazaq kúresiniń bilgiri, Qazaqstan Respýblıkasynyń eńbek sińirgen jattyqtyrýshysy Erǵalı Muhıtdınov pen Astana qalasynan kelgen Týrızm jáne sport mınıstrliginiń ókili Meıram Saparǵalıev qatysty.

Saltanatty rásimde Aqyn Ordabaıuly atalǵan mınıstrilik tarapynan «Sportty damytýǵa qosqan eren eńbegi úshin» tósbelgisimen marapattaldy.

Týrnırge barlyǵy 8 komanda qatysyp, ózara tartysty oıyn kórsetti. Nátıjesinde birinshi oryndy «Qazaqfılm» komandasy jeńip alsa, ekinshi oryndy «Ile» komandasy, al úshinshi oryndy «Dınamo» komandasy ıelendi.

Týrnır qorytyndysy boıynsha «Úzdik qorǵaýshy» ataǵyna «Dınamo» komandasynyń kapıtany Saıfýtdın Shamsýtdınov, «Úzdik qaqpashy» ataǵyna  Murat Nurkeev pen Aıbek Úshkempirov ıe boldy.

Jarystyń «Úzdik oıynshysy» ataǵyn elimizge belgili sport jýrnalısi Álim Anapııanov aǵamyz ıelendi.

Bul týrnır — tek sporttyq báseke ǵana emes, Aqyn Ordabaıuly aǵamyzdyń el sportyna qosqan úlesin taǵy bir márte baǵalaǵan, qurmetke toly is-shara boldy dep esepteımin.

 

 

Grek rım kúresinen halyq aralyq sport sheberi, lektor B.T. DJIGARBAEV

S.D.Asfedııarov atyndaǵy QazUMÝ

ALMATY