Юсуф Мациев — 23 жасқа дейінгі балуандар арасындағы әлем чемпионатының күміс медалисі!

Күрес түрлерінен Сербияның Нови-Сад қаласында өтіп жатқан 23 жасқа дейінгі әлем чемпионатында ел қоржынына екінші жүлде түсті, деп хабарлады Туризм және спорт министрлігі Спортты дамыту дирекциясының баспасөз қызметі.

Грек-рим күресінен 97 келідегі Юсуф Мациев финалдық бәсекеде Украина спортшысы Егор Якушенкодан 1:6 есебімен есе жіберді.

Отандасымыз әлем чемпионатында Кио Китавакиді (Жапония) 2:1, Аршак Гегамианды (Армения) 4:0, Максим Аверинді (бейтарап спортшы) 9:1 есебімен жеңді.

Юсуф Мациев бұған дейін 2022 жылы Болгария төрінде 20 жасқа дейінгі жастар арасында өткен әлем чемпионатында да күміс медальді мойынына таққан.