Конькимен жүгіруден Қазақстан құрамасы күміс жүлдегер атанды

Германияның Инцелль қаласында конькимен жүгіруден жасөспірімдер арасындағы өтіп жатқан әлем чемпионатында командалық спринтте отандастарымыз Алёна Лифатова, Арина Ильященко, Алина Дауранова мен Кристина Шумекова квартеті күміс жүлдегер атанды.

Нидерланд құрамасы мəреге бірінші келсе, Италия үздік үштікті түйіндеді.

Жалпы, әйелдер жарысына 11 құрама қатысты. Олар: Германия, Испания, Италия, Қазақстан, Канада, Оңтүстік Корея, Латвия, Нидерланд, Норвегия, Польша, АҚШ.

Өткен жылы Инсбруктегі əлем чемпионатында еліміздің қыздар құрамасы (Алина Дауранова, Инесса Шумекова, Дарья Гаврилова) командалық спринтте үшінші орын алған еді.

Осыған дейін Германиядағы додада Алина Дауранова 500 қола медаль мен 1000 метрде күміс  жүлдені жеңіп алған.

Қазір ұлттық құрама қоржынында 2 күміс пен 1 қола бар. Дүниежүзілік дода бүгін мәресіне жетеді.

Дастан КЕНЖАЛИН,

ФОТО: Мәдениет және спорт министрлігінің Спортты дамыту дирекциясы

АСТАНА