دجەكي چان قازاقتىڭ دومبىراسىنا قوسىلىپ ءان ايتتى (ۆيدەو)

قىتايدىڭ الەمگە تانىمال اكتەرءى ءارى كاسكادەر دجەكي چان قحر-دىڭ ىلە قازاق اۆتونوميالى وبلىسىنىڭ موڭعولكۇرە اۋدانىندا قازاقتىڭ دومبىراسىنا قوسىلىپ «ناعىز قاھارماندار» اتتى ءانىن ايتتى.

بۇل ءان قىتايدىڭ تانىمال اندەرىنىڭ ءبىرى. قازاقپاراتتىڭ حابارلاۋىنشا، دجەكي چان جاقىندا شىڭجاڭنىڭ قىتاي مەملەكەتى «تۇلپارلار مەكەنى» دەپ اتايتىن ىلە قازاق اۆتونوميالى وبلىسىنىڭ موڭعولكۇرە اۋدانىندا «تۇلپار» حالىقارالىق تۋريزم مەرەكەسىنە بارىپ، سوندا ونەر كورسەتكەن بولاتىن. بۇل ۆيدەو سول جەردە ءتۇسىرىلۋى مۇمكىن.

بۇل ءاندى ءتۇرلى كونتسەرتتەردە تىڭداپ جۇرگەن شىعارسىزدار. بىراق دومبىرانىڭ سۇيەمەلدەۋىمەن ءالى ەشكىم ەستىمەگەن. بۇگىن مەن سىزدەرگە «ناعىز قاھارمانداردى» دومبىرامەن ايتىپ بەرەيىن، — دەدى دجەكي چان جەلىدە تاراعان ۆيدەودا.

16 شىلدەدە شىڭجاڭنىڭ ىلە قازاق اۆتونوميالى وبلىسى موڭعولكۇرە اۋدانىنىڭ «تۇلپارلار مەكەنى» مادەني تۋريستىك ساياباعىندا «تۇلپارلار مەكەنى» حالىقارالىق تۋريستىك فەستيۆالى اشىلعان بولاتىن. وسى جەردە دجەكي چان 56 ەتنوس وكىلدەرىمەن بىرگە «ۇلت» ءانىن ورىنداسا، كورەرمەندەرمەن بىرگە «تۋعان جەردى جىرلايمىز» ءانىن شىرقاعان.

سول جەردە اكتەر دومبىراعا قوسىلىپ ءان ايتۋى مۇمكىن.

داستان كەنجالين،

استانا

 

View this post on Instagram

 

A post shared by دجەكى چان ۋكراїنا 成龍烏克蘭 (@jackie_chan_ukraine)