قازاقستاندىق گيمناست ۋنيۆەرسيادادا التىن جۇلدە جەڭىپ الدى

قىتايدىڭ چەندۋ قالاسىندا ءوتىپ جاتقان ءحححى جازعى ۋنيۆەرسيادادا گيمناستشى ميلاد كاريمي التىن مەدال جەڭىپ الدى. وسىنىڭ الدىندا ول ەركىن جاتتىعۋ بويىنشا ەكىنشى ورىن جانە تىرەپ سەكىرۋدەن قولا جۇلدە يەلەنگەن ەدى.

ميلاد كاريمي كەرمەدەگى جاتتىعۋ فينالىندا 14.800 ۇپاي جيناپ، ۋنيۆەرسيادا چەمپيونى اتاندى. ۇزدىك ۇشتىككە قىتاي جانە جاپونيا سپورتشىلارى ورنالاستى.

بۇعان دەيىن سپورتتىق گيمناستيكادا ناريمان قۇربانوۆ گيمناستيكالىق ات ۇستىندەگى جاتتىعۋدا 15.266 ۇپاي جيناپ، كۇمىس جۇلدەگەر اتانسا، ەركىن جاتتىعۋعا قاتىسقان تاعى ءبىر قازاقستاندىق سپورتشى دميتري پاتانين 13.566 ۇپاي جيناپ، بەسىنشى ورىنعا يە بولعان ەدى.

داستان كەنجالين،

استانا