Qazaqstandyq gımnast Ýnıversıadada altyn júlde jeńip aldy

Qytaıdyń Chendý qalasynda ótip jatqan HHHI jazǵy Ýnıversıadada gımnastshy Mılad Karımı altyn medal jeńip aldy. Osynyń aldynda ol erkin jattyǵý boıynsha ekinshi oryn jáne tirep sekirýden qola júlde ıelengen edi.

Mılad Karımı kermedegi jattyǵý fınalynda 14.800 upaı jınap, Ýnıversıada chempıony atandy. Úzdik úshtikke Qytaı jáne Japonııa sportshylary ornalasty.

Buǵan deıin sporttyq gımnastıkada Narıman Qurbanov gımnastıkalyq at ústindegi jattyǵýda 15.266 upaı jınap, kúmis júldeger atansa, erkin jattyǵýǵa qatysqan taǵy bir qazaqstandyq sportshy Dmıtrıı Patanın 13.566 upaı jınap, besinshi orynǵa ıe bolǵan edi.

Dastan KENJALIN,

ASTANA