كوكپاردان قازاقستان چەمپيوناتى اياقتالدى (فوتو)

قوستاناي قالاسىندا مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى، ۇلتتىق سپورت تۇرلەرى قاۋىمداستىعى مەن قوستاناي وبلىسىنىڭ اكىمدىگى ۇيىمداستىرۋىمەن كوكپاردان جاسوسپىرىمدەر اراسىنداعى قازاقستان چەمپيوناتى مارەسىنە جەتتى.

ەلىمىزدىڭ 15 وڭىرىنەن كەلگەن 2006-2008 جىلى تۋعان جاسوسپىرىمدەر كوماندالارى ءوزارا ەڭ مىقتىنى انىقتادى.

التى كۇن بويى قوستاناي اتشابارىن دوداعا اينالدىرعا ءدۇبىرلى جارىستا ۇلتتىق ويىننىڭ جاڭا دا جاس بۋىنى قالىپتاسقانى انىق كورىندى.

چەمپيوناتتا وسىمەن توعىزىنشى رەت تۇركىستان وبلىسىنىڭ كومانداسى جەڭىمپاز اتاندى. كۇمىس جۇلدەگە قاراعاندى وبلىسىنىڭ كومانداسى يە بولدى.

ەل چەمپيوناتىنىڭ  ۇشىنشى ورىن تۇعىرىنا الماتى مەن شىمكەنت قالاسىنىڭ كوماندالارى كوتەرىلدى.

جەڭىمپازدار مەن جۇلدەگەرلەر ارنايى ديپلوم، كۋبوك، مەدال جانە ۇلتتىق سپورت تۇرلەرى قاۋىمداستىعى تاعايىنداعان اقشالاي سىياقىمەن ماراپاتتالدى.

ۇلتتىق جانە ات سپورتى تۇرلەرى ورتالىعى،

فوتو: ماقسات شاعىرباي