«استانا» كونفەرەنتسيا ليگاسىنىڭ توپتىق تۋرنيرىنە شىقتى

«استانا» كلۋبى فۋتبولدان UEFA كونفەرەنتسيا ليگاسىنىڭ توپتىق تۋرنيرىنە شىقتى.

استانانىڭ كومانداسى سىرت الاڭدا البانيانىڭ «پارتيزاني» كلۋبىمەن كەزدەسىپ، ويىندى ء1ۇ1 ەسەبىمەن تەڭ اياقتادى.

ءبىرىنشى ماتچتا «استانا» 1:0 ەسەبىمەن جەڭىسكە جەتكەن ەدى. ال ەكىنشى ويىندا الاڭ يەلەرى العاش بولىپ ەسەپ اشتى. ويىننىڭ 25-مينۋتىندا اركانج بينتسۋكا اۋەلەتە بەرىلگەن دوپتى باسپەن قاقپاعا ءتۇسىردى.

ەكىنشى تايمنىڭ باسىندا قوناقتار شيراق ويناپ، ەسەپتى تەڭەستىردى. 46-مينۋتىندا مارين توماسوۆتىڭ تارازى باسىن تەڭەستىرۋگە مۇمكىندىك الدى.

وسىلايشا كوماندالار 1:1 ەسەبىنە تارقاسىپ، ەكى ويىننىڭ ناتيجەسىمەن «استانا» كونفەرەنتسيا ليگاسىنىڭ توپتىق تۋرنيرىنە شىقتى.

ال قوستانايدىڭ «توبىل» كلۋبى كونفەرەنتسيا ليگاسى پلەي-وفف كەزەڭىنەن شىعا المادى. «توبىل» سىرت الاڭدا چەحيانىڭ «ۆيكتوريا پلزەن» جاساعىنان 0:3 ەسەبىمەن ۇتىلىپ قالدى. ءبىرىنشى كەزدەسۋدە وتانداستارىمىز ءوز الاڭىندا 1:2 ەسەبىمەن جەڭىلگەن بولاتىن.

بۇعان دەيىن «ورداباسى» مەن «اقتوبە» كلۋبتارى دا كونفەرەنتسيا ليگاسىنىڭ ءۇشىنشى ىرىكتەۋ ساتىسىندا جارىس جولىنان شىعىپ قالعان ەدى.

UEFA كونفەرەنتسيا ليگاسى توپتىق ساتىسىنىڭ جەرەبەسى 1 قىركۇيەكتە فرانتسيانىڭ موناكو قالاسىندا وتەدى.

داستان كەنجالين،

استانا