اقتوبە وبلىسى مەن شىمكەنت قالاسىنىڭ اكىمدەرى اۋىستى

پرەزيدەنت قاسىم-جومارت توقاەۆتىڭ جارلىعىمەن اقتوبە وبلىسىنىڭ جاڭا اكىمى تاعايىندالدى، دەپ حابارلادى اقورداعا سىلتەمە جاساعان halyq-uni.kz.

پرەزيدەنتتىڭ جارلىعىمەن اسحات بەرلەش ۇلى شاحاروۆ اقتوبە وبلىسىنىڭ اكىمى لاۋازىمىنا تاعايىندالدى، – دەلىنگەن حابارلامادا.

سونداي-اق مەملەكەت باسشىسىنىڭ جارلىعىمەن عابيت ءابدىماجيت ۇلى سىزدىقبەكوۆ شىمكەنت قالاسىنىڭ اكىمى لاۋازىمىنا تاعايىندالدى.

بۇعان دەيىن شىمكەنت قالاسى مەن اقتوبە وبلىسىنىڭ بۇرىنعى اكىمدەرى قىزمەتىنەن كەتكەن ەدى.

مەملەكەت باسشىسىنىڭ جارلىعىمەن ەرالى توعجانوۆ اقتوبە وبلىسىنىڭ اكىمى لاۋازىمىنان، مۇرات ايتەنوۆ شىمكەنت قالاسىنىڭ اكىمى لاۋازىمىنان بوساتىلدى، – دەپ جازىلعان اقوردا تاراتقان حابارلامادا.

اسحات شاحاروۆ 1978 جىلى رەسەيدىڭ ورىنبور وبلىسى اقبۇلاق اۋىلىندا تۋعان.

1999 جىلى قازاق مەملەكەتتىك تۋريزم جانە سپورت اكادەمياسىن دەنە شىنىقتىرۋ ءپانىنىڭ وقىتۋشىسى – سپورت بويىنشا جاتتىقتىرۋشى، 2002 جىلى ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن حالىقارالىق ەكونوميست ماماندىعى بويىنشا بىتىرگەن.

2013 جىلى رف پرەزيدەنتى جانىنداعى رەسەي مەملەكەتتىك قىزمەت جانە حالىق شارۋاشىلىعى اكادەمياسىن اياقتاعان، ەكونوميكا عىلىمدارىنىڭ كانديداتى.

سامبودان ءۇش مارتە الەم چەمپيونى، ەكى دۇركىن الەم كۋبوگىنىڭ يەگەرى، دزيۋدودان الەم چەمپيوناتىنىڭ قولا جۇلدەگەرى، قر ەڭبەك سىڭىرگەن سپورت شەبەرى.

2005 جىلعى قاراشادان اقتوبە پەداگوگيكالىق ينستيتۋتى دەنە تاربيەسى كافەدراسىنىڭ دوتسەنتى.

2007 جىلعى ساۋىردەن اقتوبە وبلىستىق وليمپياداشىلار رەزەرۆىن دايىنداۋ ورتالىعىنىڭ ديرەكتورى.

2013 جىلعى ماۋسىمنان بەرى بقو قاراتوبە اۋدانىنىڭ اكىمى قىزمەتىن، 2017 جىلدىڭ شىلدەدە بقو زەلەنوۆ اۋدانىنىڭ اكىمى، 2020 جىلعى ناۋرىزدا اقتوبە قالاسىنىڭ اكىمى بولدى.

2022 جىلعى قاراشادان وسى ۋاقىتقا دەيىن پرەزيدەنت اكىمشىلىگىنىڭ مەملەكەتتىك ينسپەكتورى قىزمەتىن اتقاردى.

عابيت سىزدىقبەكوۆ 1980 جىلى شىمكەنت قالاسىندا تۋعان. قازاق مەملەكەتتىك زاڭ ۋنيۆەرسيتەتىن، رف ءسىم ديپلوماتيالىق اكادەمياسىن بىتىرگەن.

ەڭبەك جولىن 2004 جىلى قر ءسىم مەملەكەتتىك پروتوكول قىزمەتىنىڭ اتتاشەسى قىزمەتىنەن باستاعان.

2005-2006 جىلدارى – قر ءسىم مەملەكەتتىك پروتوكول قىزمەتىنىڭ ءۇشىنشى حاتشىسى; قر ءسىم ەۋروپا جانە امەريكا دەپارتامەنتىنىڭ ءۇشىنشى حاتشىسى.

2006-2007 جىلدارى – قر ءسىم كەڭسەسى ءباسپاسوز قىزمەتىنىڭ ءۇشىنشى حاتشىسى; ەكىنشى حاتشىسى.

2007-2011 جىلدارى – قر پارلامەنتى سەناتىنىڭ اپپاراتىندا ءتۇرلى لاۋازىمداردى اتقارعان.

2011-2012 جىلدارى – قر ءسىم ازيا جانە افريكا دەپارتامەنتىنىڭ باسقارما باسشىسى.

2012-2017 جىلدارى قازاقستاننىڭ فرانتسياداعى ەلشىلىگىنىڭ كەڭەسشىسى.

2017 جىلعى تامىزدا قر ءسىم اكىمشىلىك جانە باقىلاۋ دەپارتامەنتىنىڭ كەڭەسشىسى بولدى.

2017-2019 جىلدارى – قر پارلامەنتى سەناتى توراعاسىنىڭ كەڭەسشىسى; قر پارلامەنتى سەناتى اپپاراتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىمەن ءوزارا ءىس-قيمىل ءبولىمىنىڭ مەڭگەرۋشىسى.

2019 جىلعى مامىردان باستاپ قىركۇيەككە دەيىن – قر ءسىم ەرەكشە تاپسىرمالار جونىندەگى ەلشىسى.

2019 جىلعى قىركۇيەكتەن باستاپ 2021 جىلعى 14 شىلدەگەن دەيىن قازاقستاننىڭ سەربياداعى توتەنشە جانە وكىلەتتى ەلشىسى قىزمەتىن اتقاردى.

 

داۋرەن ەربولات،

استانا