ۆولەيبولدان اچ: قازاقستان قۇراماسى بەسىنشى ورىن الدى

ۆولەيبولدان ايەلدەر اراسىندا تايلاندتىڭ ناكحونراتچاسيما قالاسىندا ءوتىپ جاتقان ازيا چەمپيوناتىندا قازاقستان قۇراماسى بەسىنشى ورىن الدى.

قازاقستان قۇراماسى چەمپيوناتتاعى سوڭعى ويىنىندا وڭتۇستىك كورەيا كومانداسىن جەڭگەنىمەن، تۋرنير كەستەسىندە بەسىنشى ورىندى قاناعات تۇتتى.

قۇرامالار بەسىنشى ورىن ءۇشىن ويناعان ەدى. بۇل جولى ۇلتتىق قۇراما ءبىرىنشى سەتتە 26:24 ەسەبىمەن جەڭسە، ەكىنشىسىندە 25:23 ەسەبىمەن باسىم ءتۇستى.

شەشۋشى ءۇشىنشى سەتتە قارسىلاسىن 25:23 ەسەبىمەن ۇتتى.

وسىلايشا جالپى ەسەپتە 3:0 ەسەبىمەن جەڭىپ، بەسىنشى ورىندى يەلەندى.

ۇلتتىق قۇراما بۇعان دەيىن پلەي-وفف ساتىسىندا اۆستراليا ۆولەيبولشىلارىن 3:2 (25:16، 21:25، 19:25، 25:15، 15:12) ەسەبىمەن جەڭگەن بولاتىن. ودان كەيىن D توبىندا فيليپپين جاساعىن تاي-برەيكتە 3:2 (25:21، 17:25، 24:26، 27:25، 15:6)، گونكونگ كومانداسىن 3:0 (25:16، 25:23، 25:17) ەسەبىمەن ۇتسا، قىتاي قىزدارىنان 0:3 (12:25، 21:25، 10:25 ) ەسەبىمەن جەڭىلدى.

ونىڭ الدىندا جاپونيا جاساعىنا 0:3 (13:25، 20:25، 18:25) ەسەبىمەن ەسە جىبەرسە، ءۇندىستان قۇراماسىنان 3:0 (25:17، 25:17، 25:21) ەسەبىمەن باسىم ءتۇستى.

بۇگىن ازيا چەمپيوناتىنىڭ فينالىنداتايلاند پەن قىتاي قۇرامالارى كەزدەسەدى.

داستان كەنجالين،

استانا

 

View this post on Instagram

 

A post shared by Qazaqstan voleybol federaciyasy (@volleyfederationkz)