Voleıboldan ACh: Qazaqstan quramasy besinshi oryn aldy

Voleıboldan áıelder arasynda Taılandtyń Nakhonratchasıma qalasynda ótip jatqan Azııa chempıonatynda Qazaqstan quramasy besinshi oryn aldy.

Qazaqstan quramasy chempıonattaǵy sońǵy oıynynda Ońtústik Koreıa komandasyn jeńgenimen, týrnır kestesinde besinshi oryndy qanaǵat tutty.

Quramalar besinshi oryn úshin oınaǵan edi. Bul joly ulttyq qurama birinshi sette 26:24 esebimen jeńse, ekinshisinde 25:23 esebimen basym tústi.

Sheshýshi úshinshi sette qarsylasyn 25:23 esebimen utty.

Osylaısha jalpy esepte 3:0 esebimen jeńip, besinshi oryndy ıelendi.

Ulttyq qurama buǵan deıin pleı-off satysynda Avstralııa voleıbolshylaryn 3:2 (25:16, 21:25, 19:25, 25:15, 15:12) esebimen jeńgen bolatyn. Odan keıin D tobynda Fılıppın jasaǵyn taı-breıkte 3:2 (25:21, 17:25, 24:26, 27:25, 15:6), Gonkong komandasyn 3:0 (25:16, 25:23, 25:17) esebimen utsa, Qytaı qyzdarynan 0:3 (12:25, 21:25, 10:25 ) esebimen jeńildi.

Onyń aldynda Japonııa jasaǵyna 0:3 (13:25, 20:25, 18:25) esebimen ese jiberse, Úndistan quramasynan 3:0 (25:17, 25:17, 25:21) esebimen basym tústi.

Búgin Azııa chempıonatynyń fınalyndaTaıland pen Qytaı quramalary kezdesedi.

Dastan KENJALIN,

ASTANA

 

View this post on Instagram

 

A post shared by Qazaqstan voleybol federaciyasy (@volleyfederationkz)