SportPress.kz قازاقستان سپورت جاڭالىقتارى
قازاقستان قۇراماسى 2024 جىلعى ەۋروپا چەمپيوناتىنىڭ ىرىكتەۋ ءتۋرنيرى اياسىندا فينليانديا كومانداسىمەن كەزدەسىپ، 0:1 ەسەبىمەن جەڭىلىپ قالدى.
بۇل ماتچقا دەيىن ن توبىندا قۇرامالاردىڭ ەنشىسىندە 9 ۇپايدان بار ەدى. كەشەگى ويىندا فينليانديا فۋتبولشىلارى جالعىز گول سالىپ، ەكى كومانداعا دا ماڭىزدى بولعان 3 ۇپايدى الدى. جالعىز گولدى 78-مينۋتتا وليۆەر انتمان سالدى. ءسويتىپ، قوناقتار 12 ۇپايمەن ن توبىنداعى ءبىرىنشى ورىنىن ساقتاپ قالدى. ال قازاقستان قۇراماسى ماتچتىڭ سوڭىنا دەيىن قوس قاپتالدان شابۋىلداپ، ەسەپتى تەڭەستىرۋگە تىرىسقانىمەن، لۋكاش گرادەتسكي قاقپاسىنان ساڭلاۋ تابا المادى.
قازاقستان قۇراماسى ەندى 10 قىركۇيەكتە سولتۇستىك يرلانديامەن كەزدەسەدى.
قازاقستان — فينليانديا ماتچىندا ءوز الاڭىمىزداعى جانكۇيەرلەر سانى بويىنشا رەكورد جاسالدى.
استاناداعى كەشەگى ويىنعا 30 019 كورەرمەن جينالدى. بۇل قازاقستان قۇراماسىنىڭ تاريحىنداعى ءوز الاڭىنداعى ماتچقا كەلگەن جانكۇيەرلەر سانى بويىنشا جاڭا رەكورد.
بۇعان دەيىن ستاديونعا قازاقستان مەن بەلارۋس (2:1) ماتچىنا 29 637 ادام جينالعان بولاتىن.
داستان كەنجالين،
استانا
فوتو: ءىلياس وماروۆ
