EURO-2024: Qazaqstan quramasy Fınlıandııaǵa ese jiberdi

Qazaqstan quramasy 2024 jylǵy Eýropa chempıonatynyń irikteý týrnıri aıasynda Fınlıandııa komandasymen kezdesip, 0:1 esebimen jeńilip qaldy.

Bul matchqa deıin N tobynda quramalardyń enshisinde 9 upaıdan bar edi. Keshegi oıynda Fınlıandııa fýtbolshylary jalǵyz gol salyp, eki komandaǵa da mańyzdy bolǵan 3 upaıdy aldy. Jalǵyz goldy 78-mınýtta Olıver Antman saldy. Sóıtip, qonaqtar 12 upaımen N tobyndaǵy birinshi orynyn saqtap qaldy. Al Qazaqstan quramasy matchtyń sońyna deıin qos qaptaldan  shabýyldap, esepti teńestirýge tyrysqanymen, Lýkash Gradekı qaqpasynan sańlaý taba almady.

Qazaqstan quramasy endi 10 qyrkúıekte Soltústik Irlandııamen kezdesedi.

Qazaqstan — Fınlıandııa matchynda óz alańymyzdaǵy jankúıerler sany boıynsha rekord jasaldy.

Astanadaǵy keshegi oıynǵa 30 019 kórermen jınaldy. Bul Qazaqstan quramasynyń tarıhyndaǵy óz alańyndaǵy matchqa kelgen jankúıerler sany boıynsha jańa rekord.

Buǵan deıin stadıonǵa Qazaqstan men Belarýs (2:1) matchyna 29 637 adam jınalǵan bolatyn.

Dastan KENJALIN,

ASTANA

FOTO: Ilııas OMAROV