مۇمكىندىكتەرىمىزدى پايدالانا المادىق — ماگومەد اديەۆ

قازاقستان قۇراماسىنىڭ باس جاتتىقتىرۋشىسى ماگومەد اديەۆ ۇلتتىق قۇرامانىڭ فينليانديا كومانداسىمەن ويىنى تۋرالى ويىن ايتتى.

ۇتىلدىق. باسقا نە ايتامىز؟! تابلوداعى ەسەپ ويىنعا ساي. ءبىر اتتەگەن-ايى، ماتچى تەڭ اياقتاۋعا بولاتىن ەدى. ولاردىڭ دا ءوز مۇمكىندىكتەرى بولدى، بىزدە دە بولدى. ويىن كەزىندە ەسەپ تەڭ بولادى دەگەن وي كەلدى. بىراق گول جىبەرىپ الىپ، ءوز مۇمكىندىكتەرىمىزدى پايدالانا المادىق.

الاڭنىڭ ورتاسىندا قارسىلاستان باسىم ءتۇسۋدى قالادىق. كەيبىر تۇستار قولىمىزدان كەلدى، كەيبىرەۋى كەلمەدى. تاكتيكالىق تۇرعىدا فيندەردى جەڭۋگە نيەت بولدى.

وتكەن ويىندى تالداپ، سولتۇستىك يرلانديامەن بولاتىن كەزدەسۋگە جوسپار قۇرۋىمىز كەرەك. ارينە، جەڭىلىستەن كەيىن قۇرامادا وزگەرىس بولادى، — دەدى ول.

سونىمەن بىرگە باس جاتتىقتىرۋشى كوماندانىڭ جانكۇيەردى قۋانتقىسى كەلگەنىن، بىراق جەڭىلىستى دە مويىنداۋعا تۋرا كەلەتىنىن ايتتى.

فۋتبول بولعان سوڭ، ءبارى ۇپاي جوعالتادى. ارينە، ءبىز جانكۇيەرلەردى قۋانتقىمىز كەلدى. بۇگىن ءبىزدى قولداۋعا كوپتەگەن ادام كەلدى. بىراق جەڭىلىستى قابىلداي ءبىلۋ كەرەك. ارينە، بۇنى قابىلداۋ قيىن. اسىرەسە مەن سياقتى باس جاتتىقتىرۋشى ءۇشىن وتە قيىن، قيىن، — دەدى ماگومەد اديەۆ.

كەشەگى ماتچتان كەيىن قازاقستان قۇراماسى H توبىندا ءتورتىنشى ورىنعا ءتۇسىپ قالدى. ال ن توبىندا قازاقستان قۇراماسىنان كەيىن ءۇشىنشى ورىندا كەلە جاتقان دانيا كومانداسى ءوز الاڭىندا سان-مارينو جاساعىمەن كەزدەسىپ، 4:0 ەسەبىمەن ۇتتى. سلوۆەنيا سولتۇستىك يرلانديانى 4:2 ەسەبىمەن جەڭدى. وسى ەسەپتەن كەيىن دانيا مەن سلوۆەنيا 3 ۇپايدان جيناپ، 10 ۇپايمەن ەكىنشى جانە ءۇشىنشى ورىنعا كوتەرىلدى.

جاندوس ساردەنوۆ،

استانا

فوتو: قازاقستان فۋتبول فەدەراتسياسى