Múmkindikterimizdi paıdalana almadyq — Magomed Adıev

Qazaqstan quramasynyń bas jattyqtyrýshysy Magomed Adıev ulttyq quramanyń Fınlıandııa komandasymen oıyny týraly oıyn aıtty.

Utyldyq. Basqa ne aıtamyz?! Tablodaǵy esep oıynǵa saı. Bir áttegen-aıy, matchy teń aıaqtaýǵa bolatyn edi. Olardyń da óz múmkindikteri boldy, bizde de boldy. Oıyn kezinde esep teń bolady degen oı keldi. Biraq gol jiberip alyp, óz múmkindikterimizdi paıdalana almadyq.

Alańnyń ortasynda qarsylastan basym túsýdi qaladyq. Keıbir tustar qolymyzdan keldi, keıbireýi kelmedi. Taktıkalyq turǵyda fınderdi jeńýge nıet boldy.

О́tken oıyndy taldap, Soltústik Irlandııamen bolatyn kezdesýge jospar qurýymyz kerek. Árıne, jeńilisten keıin quramada ózgeris bolady, — dedi ol.

Sonymen birge bas jattyqtyrýshy komandanyń jankúıerdi qýantqysy kelgenin, biraq jeńilisti de moıyndaýǵa týra keletinin aıtty.

Fýtbol bolǵan soń, bári upaı joǵaltady. Árıne, biz jankúıerlerdi qýantqymyz keldi. Búgin bizdi qoldaýǵa kóptegen adam keldi. Biraq jeńilisti qabyldaı bilý kerek. Árıne, buny qabyldaý qıyn. Ásirese men sııaqty bas jattyqtyrýshy úshin óte qıyn, qıyn, — dedi Magomed Adıev.

Keshegi matchtan keıin Qazaqstan quramasy H tobynda tórtinshi orynǵa túsip qaldy. Al N tobynda Qazaqstan quramasynan keıin úshinshi orynda kele jatqan Danııa komandasy óz alańynda San-Marıno jasaǵymen kezdesip, 4:0 esebimen utty. Slovenııa Soltústik Irlandııany 4:2 esebimen jeńdi. Osy esepten keıin Danııa men Slovenııa 3 upaıdan jınap, 10 upaımen ekinshi jáne úshinshi orynǵa kóterildi.

Jandos SARDENOV,

ASTANA

FOTO: Qazaqstan fýtbol federaııasy