Golovkın Qazaqstan quramasyn qoldaý úshin elge kele jatyr

Boksshy Gennadıı Golovkın fýtboldan Eýro-2024 irikteý týrnırine qatysyp jatqan  Qazaqstan ulttyq quramasyn Soltústik Irlandııa komandasymen matchta qoldaý úshin elge keledi. Ol áleýmettik jelide Qazaqstan quramasynyń oıynyn tamashalaıtynyn jazdy.

Jaqynda úıimizge oralamyz. Eń aldymen, fýtboldan ulttyq quramamyzdy qoldap, jankúıerler janynan tabylamyz, — dedi ol Instagram-da.

Eske sala ketsek, Qazaqstan men Soltústik Irlandııa quramalarynyń matchy Astanada 10 qyrkúıekte bolady.

Keshe ulttyq qurama Fınlıandııa jasaǵymen kezdesip, 0:1 esebimen jeńilgen edi. Osy oıynǵa elimizdiń bas komandasy qarsylasynan utylsa da ulttyq quramany qoldaýǵa óte kóp adam jınaldy. Jankúıerler sany boıynsha rekord jasaldy.

Astanadaǵy keshegi oıynǵa 30 019 kórermen keldi. Bul — Qazaqstan quramasynyń tarıhyndaǵy óz alańyndaǵy matchqa kelgen jankúıerler sany boıynsha jańa rekord.

Buǵan deıin stadıonǵa Qazaqstan men Belarýs (2:1) matchyna 29 637 adam jınalǵan bolatyn.

Dastan KENJALIN,

ASTANA

 

View this post on Instagram

 

A post shared by Gennadiy Golovkin | GGG (@gggboxing)