SportPress.kz قازاقستان سپورت جاڭالىقتارى
كەشە فۋتبولدان قازاقستان قۇراماسى 2024 جىلعى ەۋروپا چەمپيوناتىنا ىرىكتەۋ جارىسى اياسىندا ءوز الاڭىندا سولتۇستىك يرلانديا كومانداسىن 1:0 ەسەبىمەن جەڭسە دە ن توبىنداعى تۋرنير كەتەسىندە ءتورتىنشى ورنىندا قالدى.
بۇل توپتا دانيا قۇراماسى كوش باستادى. داتتار سىرت الاڭدا فينليانديا كومانداسىن 1:0 ەسەبىمەن ۇتىپ، 13 ۇپايمەن ءبىرىنشى ورىنعا شىقتى. ەكىنشى ورىنعا سلوۆەنيا جاساعى جايعاستى. بالقان تۇبەگىنىڭ فۋتبولشىلارى دا سىرت الاڭدا سان-مارينو كومانداسىنان 0:4 ەسەبىمەن ۇتتى. ءۇشىنشى ورىندى 12 ۇپايمەن فينليانديا قۇراماسى يەلەنىپ وتىر. ال ءتورتىنشى ورىندا قازاقستان قۇراماسى قالدى. ەلىمىزدىڭ باس كومانداسىندا دا 12 ۇپاي بار.
كەشە ۇلتتىق قۇرامادان جەڭىلگەن سولتۇستىك يرلانديادا 3 ۇپاي بولسا، توپتىڭ سوڭعى ورنىندا سان-مارينو قۇراماسى قالىپ وتىر. بۇل ەلدىڭ فۋتبولشىلارى التى ويىننىڭ بارىندە جەڭىلىپ، قاقپاسىنا 21 گول جىبەرىپ العان. بىردە-ءبىر گول سالا الماعان.
ەندى كەلەسى جىلى وتەتىن ەۋروپا چەمپيوناتىنا ىرىكتەۋ بۇدان دا قىزىقتى جانە تارتىستى بولايىن دەپ تۇر. ءار توپتان ەۋرو-2014 تۋرنيرىنە العاشقى ەكى ورىندى العان كوماندا شىعادى. قازاقستان قۇراماسىندا 4 ويىن قالدى. سونىڭ ۇشەۋىن وتانداستارىمىز سىرت الاڭدا وتكىزەدى. ۇلتتىق قۇراما 14 قازاندا دانيامەن، 17 قازاندا فينليانديامەن، 21 قاراشادا سلوۆەنيامەن ويناسا، 17 قاراشادا «استانا ارەنا» ستاديونىندا سوڭعى ماتچىن سان-مارينوعا قارسى وتكىزەدى.
جاندوس ساردەنوۆ،
استانا
فوتو: قازاقستان فۋتبول فەدەراتسياسى
