Euro 2024: Qazaqstan quramasy óz tobynda tórtinshi orynda qaldy

Keshe fýtboldan Qazaqstan quramasy 2024 jylǵy Eýropa chempıonatyna irikteý jarysy aıasynda óz alańynda Soltústik Irlandııa komandasyn 1:0 esebimen jeńse de N tobyndaǵy týrnır ketesinde tórtinshi ornynda qaldy.

Bul topta Danııa quramasy kósh bastady. Dattar syrt alańda Fınlıandııa komandasyn 1:0 esebimen utyp, 13 upaımen birinshi orynǵa shyqty. Ekinshi orynǵa Slovenııa jasaǵy jaıǵasty. Balqan túbeginiń fýtbolshylary da syrt alańda San-Marıno komandasynan 0:4 esebimen utty. Úshinshi oryndy 12 upaımen Fınlıandııa quramasy ıelenip otyr. Al tórtinshi orynda Qazaqstan quramasy qaldy. Elimizdiń bas komandasynda da 12 upaı bar.

Keshe ulttyq quramadan jeńilgen Soltústik Irlandııada 3 upaı bolsa, toptyń sońǵy ornynda San-Marıno quramasy qalyp otyr. Bul eldiń fýtbolshylary alty oıynnyń bárinde jeńilip, qaqpasyna 21 gol jiberip alǵan. Birde-bir gol sala almaǵan.

Endi kelesi jyly ótetin Eýropa chempıonatyna irikteý budan da qyzyqty jáne tartysty bolaıyn dep tur. Ár toptan Eýro-2014 týrnırine alǵashqy eki oryndy alǵan komanda shyǵady. Qazaqstan quramasynda 4 oıyn qaldy. Sonyń úsheýin otandastarymyz syrt alańda ótkizedi. Ulttyq qurama 14 qazanda Danııamen, 17 qazanda Fınlıandııamen, 21 qarashada Slovenııamen oınasa, 17 qarashada «Astana Arena» stadıonynda sońǵy matchyn San-Marınoǵa qarsy ótkizedi.

Jandos SARDENOV,

ASTANA

FOTO: Qazaqstan fýtbol federaııasy