XIX ازيا ويىندارى: بوكس فەدەراتسياسى جۇلدەگەر سپورشىعا سىياقى بەرەدى (ۆيدەو)

قازاقستان بوكس فەدەراتسياسى پرەزيدەنتى كەڭەس راقىشەۆ  قىتايدىڭ حانچجوۋ قالاسىندا وتەتىن ازيا ويىندارىندا جۇلدە العان ايەلدەر قۇراماسىنا سىياقى تاپسىراتىنىن ايتتى. بۇل تۋرالى قازاقستان بوكس فەدەراتسياسى حابارلادى.

بۇگىن باس جاتتىقتىرۋشى شاميل سافيۋلين باستاعان بوكستان قازاقستان ايەلدەر قۇراماسى العاشقىلاردىڭ ءبىرى بولىپ قىتايعا اتتاندى. حانچجوۋداعى جازعى ازيا ويىندارى قارساڭىندا ۇلتتىق قۇراما جەرگىلىكتى جانە تاجىكستان بوكسشىلارىمەن بىرىككەن وقۋ-جاتتىعۋ جيىنىن وتكىزدى.

قازاقستان بوكس فەدەراتسياسىنىڭ پرەزيدەنتى كەڭەس راقىشەۆ اۋەجايعا ارنايى كەلىپ، ۇلتتىق قۇراما مۇشەلەرىن شىعارىپ سالدى. باستى ماقسات — قازاق بوكسىنىڭ ۇزدىك ەكەنىن تاعى ءبىر مارتە كورسەتىپ، مەدالدار مەن پاريج-2024 وليمپياداسىنىڭ ليتسەنزيالار يەلەنۋ.

سونىمەن قاتار، قبف پرەزيدەنتىنىڭ جەكە قاراجاتىنان سىياقىلار بەرۋ ءداستۇرى جالعاسا بەرەتىنى بەلگىلى بولدى. التىن مەدال ءۇشىن چەمپيوندار 50 مىڭ اقش دوللارىن، كۇمىس جۇلدەگەرلەر  30 مىڭ اقش دوللارىن، قولا مەدال ءۇشىن  10 مىڭ اقش دوللارىن الادى.

قىتاي شارشى الاڭىندا ەل نامىسىن قورعايتىن بوكسشىلار:

50 كگ: نازىم قىزايباي

54 كگ: جاينا شەكەربەكوۆا

57 كگ: كارينا يبراگيموۆا

60 كگ: ريمما ۆولوسەنكو

66 كگ: ناتاليا بوگدانوۆا

75 كگ: ۆالەنتينا حالزوۆا

XIX جازعى ازيا ويىندارى 23 قىركۇيەك پەن 8 قازان ارالىعىندا قىتايدىڭ حانچجوۋ قالاسىندا وتەدى. قازاقستان قۇراماسىنان 500-دەن استام سپورتشى سپورتتىڭ 33 تۇرىنەن سىنعا تۇسەدى. تاريحتا العاش رەت ازيا ويىنداردا وليمپيادا ليتسەنزيالارى ساراپقا سالىنادى.

فوتو: قازاقستان بوكس فەدەراتسياسى

 

View this post on Instagram

 

A post shared by Kazakhstan Boxing Federation (@boxingkazakhstan)