تەننيستەن قازاقستان قۇراماسى دەۆيس كۋبوگىنا دايىندىقتى باستادى

تەننيستەن قازاقستان ۇلتتىق قۇراما كومانداسى 16-17 قىركۇيەكتە سوفيا قالاسىندا بولگاريا كومانداسىمەن وتەتىن دەۆيس كۋبوگىنىڭ پلەي-وفف ماتچىنا دايىندىقتى باستادى، دەپ حابارلادى قازاقستان تەننيس فەدەراتسياسى.

قازىر كوماندا كاپيتانى يۋري ششۋكيننىڭ جەتەكشىلىگىمەن الەكساندر بۋبليك، تيموفەي سكاتوۆ، ميحايل كۋكۋشكين، اندرەي گولۋبەۆ پەن الەكساندر نەدوۆەسوۆ جاتتىعىپ جاتىر.

ەكى ەلدىڭ قۇراما كوماندالارى دەۆيس كۋبوگىنىڭ پلەي-وفف كەزەڭىندە العاش رەت كەزدەسەتىن بولادى. وسىعان دەيىن بولگاريا كومانداسى دەۆيس كۋبوگىنىڭ فينالدىق كەزەڭىنە مۇلدەم شىعىپ كورگەن ەمەس.

16 قىركۇيەكتە جەكەلەي سىندا ەكى ماتچ بولادى. 17 قىركۇيەكتە ءبىر جۇپتىق، تاعى ەكى جەكەلەي كەزدەسۋ وتەدى. ماتچ جەڭىمپازى الداعى جىلدىڭ اقپانىندا دەۆيس كۋبوگىنىڭ فينالدىق كەزەڭىنە جولداما الۋ ءۇشىن سىنعا تۇسەدى.

فوتو: قازاقستان تەننيس فەدەراتسياسى