Saýapty týrnır jalǵasyn tapty

Búgin bir jeńisti, jemisti ári saýapty kún boldy. GRS pen О́tegen kentinde elge belgili jýrnalıst Álim Anapııanovtyń uıymdastyrýymen jáne tikeleı qoldaýymen shaǵyn fýtboldan sport ardageri Ahmed Davydovty eske alýǵa arnalǵan dástúrli jarys bolyp ótti.

Týrnır ardagerler arasynda bolǵandyqtan jasy 70-ke taqaǵan sport ardagerleri alańda boı kórsetip, órnekti oıyndarymen kópshiliktiń kóńilinen shyǵyp jatty. Kún uzaq alańda shúmektep ter tókken ardagerlerge myń alǵys. О́ıtkeni, salaýatty ómir saltyn nasıhattap júrgen osyndaı fýtbol dese ishken asyn jerge qoıatyn ardager jandardyń jarysy jas býynǵa úlken ónege. Sonymen, jarys qortyndysy boıynsha О́tegen kentiniń komandasy bas júldeni jeńip aldy. Qola júlde bizdiń «Qalamger» komandasyna buıyrdy.

Týrnır sońynda ár nomınaııa boıynsha úzdikter marapattaldy. Úzdik shabýylshy ataǵy elge belgili ataqty ánshi-kompozıtor Kenen Ázirbaev atamyzdyń nemeresi Murat Kenenovke tabys etildi. Sondaı-aq, oıyn boıy janymdy salyp baǵyma qaraı úsh gol salyp úlgergen maǵan týrnırdiń úzdik jartylaı qorǵaýshysy marapaty Alla násip etip berildi. Komandamyzda óte saýatty ári belsendi óner kórsetken Darhan Jakeshevte jarystan qur qol qaıtpaı qanjyǵasy maılanyp kýbokti alyp ketti.

Hosh, jarys sońynda týrnır ıesiniń uly Maho men qyzy Sarnaz dastarhan jaıyp, ákesine quran baǵyshtap, qatysýshylarǵa as berdi. Qońyr kúzdiń jaıma-shýaq jeksenbi kúninde ótken ıgilikti sport jarysy qatysýshlarǵa tamasha kóńil kúı syılady. Myna bir beskúndik qamshynyń sabyndaı qysqa ómirde, ortamyzdan ozǵan baqılyq jandardy osyndaı saýaby zor sporttyq sharalarmen eske alyp otyrýdan basqa ne qalady dep aıtamyz. «О́li razy bolmaı tiri baıymaıdy», demekshi, bir jaǵynan marqumnyń árýaǵyn rıza etip ekinshi jaǵynan fýtbol qumar sport ardagerleri men dos-jarandardyń basyn qosatyn osyndaı ıgiligi zor saýapty sharanyń ǵumyry uzaq bolsa deımiz. «Sport — densaýlyq kepili» emes pe,  endeshe, aıaq-qolymyz amanda júgirip, qozǵalysta bolaıyq!

Aqyn ORDABAIULY,

ALMATY