SportPress.kz قازاقستان سپورت جاڭالىقتارى
قىتايدىڭ حانچجوۋ قالاسىندا ەلىمىزدىڭ مەملەكەتتىك تۋى كوتەرىلدى. مەملەكەتتىك تۋدى كوتەرۋ سالتاناتىنا قازاقستان دەلەگاتسياسىنىڭ قۇرامىنداعى سپورتشىلار مەن كوماندانىڭ باسقا مۇشەلەرى قاتىستى، دەپ حابارلادى Olympic.kz.
سالتاناتتى ءراسىم ءتيىستى دەڭگەيدە ءوتتى. وعان وسىندا كەلگەن سپورتشىلار مەن ولاردىڭ جاتتىقتىرۋشىلارى، دەلەگاتسيانىڭ باسقا دا مۇشەلەرى قاتىستى. كەشەدەن بەرى كەيبىر سپورت تۇرىنەن جارىستار باستالىپ كەتتى. ماسەلەن، اكادەميالىق ەسكەك ەسۋدەن ايەلدەر جانە ەرلەر كوامانداسى فينالعا شىعىپ ۇلگەردى.
مەملەكەتتىك تۋ كوتەرىلگەن سوڭ، ءبىز وسى جەرگە كەلىپ، تۋ تىكتىك. ەندى جارىستارعا قاتىسامىز، ازياداعا دايىنبىز دەگەن ءسوز.
حانچجوۋدا ءبىزدىڭ 200-دەن استام سپورتشىمىز بار. ءبىز ءبارىمىز كەشە الماتىدان چارتەرلىك رەيسپەن كەلدىك. ازياداعا ءبىرىنشى بولىپ بوكس، ءجۇزۋ، ۇستەل تەننيسى، ۇلكەن تەننيس، نىسانا كوزدەۋدەن، سۋ دوبىنان ايەلدەر قۇراماسى، سەمسەرلەسۋ، سپورتتىق گيمناستيكا، دزيۋدو، رەگبي-7، گاندبولدان ەرلەر كومانداسى جەتتى. ەندى بۇدان باسقا دا سپورتشىلار جارىسقا قاتىسۋ كەستەسىنە سايكەس كەلە باستايدى. سپورتشىلارىمىز وليمپيالادىق قالاشىققا ورنالاستى. جاتتىعۋعا بارلىق جاعداي جاسالعان. ارينە، ۇيىمداستىرۋ جۇمىسى بولعاننان كەيىن بارلىق ماسەلە شەشىلگەن دەپ ايتا المايمىن. ونداي ماسەلەلەر بارلىق جەردە بولىپ تۇرادى. ولاردى وليمپيادالىق شتاب شەشەدى دەپ ويلايمىن، — دەدى ۇلتتىق وليمپيادا كوميتەتى سپورت دەپارتامەنتىنىڭ ديرەكتورى ەلسيار قاناعاتوۆ.
بۇعان دەيىن حابارلانعانداي، قازاقستان قۇراماسىندا بارلىعى 525 سپورتشى بار. ولار سپورتتىڭ 30 تۇرىنەن جارىسقا شىعادى. ونىڭ 27-ءسى – وليمپيادالىق سپورت ءتۇرى.
بيىلعى ازيا ويىندارى حانچجوۋدا 54 سپورت ارەناسىندا وتەدى. كوماندالاردىڭ يەلىگىندە 31 جاتتىعۋ بازاسى بولادى.
ازيا ويىندارى حانچجوۋدا 23 قىركۇيەك پەن 8 قازان ارالىعىندا وتەدى.
فوتو: Olympic.kz
