SportPress.kz Qazaqstan sport jańalyqtary
Qytaıdyń Hanchjoý qalasynda elimizdiń memlekettik týy kóterildi. Memlekettik týdy kóterý saltanatyna Qazaqstan delegaııasynyń quramyndaǵy sportshylar men komandanyń basqa músheleri qatysty, dep habarlady Olympic.kz.
Saltanatty rásim tıisti deńgeıde ótti. Oǵan osynda kelgen sportshylar men olardyń jattyqtyrýshylary, delegaııanyń basqa da músheleri qatysty. Kesheden beri keıbir sport túrinen jarystar bastalyp ketti. Máselen, akademııalyq eskek esýden áıelder jáne erler koamandasy fınalǵa shyǵyp úlgerdi.
Memlekettik tý kóterilgen soń, biz osy jerge kelip, tý tiktik. Endi jarystarǵa qatysamyz, Azıadaǵa daıynbyz degen sóz.
Hanchjoýda bizdiń 200-den astam sportshymyz bar. Biz bárimiz keshe Almatydan charterlik reıspen keldik. Azıadaǵa birinshi bolyp boks, júzý, ústel tennısi, úlken tennıs, nysana kózdeýden, sý dobynan áıelder quramasy, semserlesý, sporttyq gımnastıka, dzıýdo, regbı-7, gandboldan erler komandasy jetti. Endi budan basqa da sportshylar jarysqa qatysý kestesine sáıkes kele bastaıdy. Sportshylarymyz Olımpıaladyq qalashyqqa ornalasty. Jattyǵýǵa barlyq jaǵdaı jasalǵan. Árıne, uıymdastyrý jumysy bolǵannan keıin barlyq másele sheshilgen dep aıta almaımyn. Ondaı máseleler barlyq jerde bolyp turady. Olardy Olımpıadalyq shtab sheshedi dep oılaımyn, — dedi Ulttyq Olımpıada komıteti sport departamentiniń dırektory Elsııar Qanaǵatov.
Buǵan deıin habarlanǵandaı, Qazaqstan quramasynda barlyǵy 525 sportshy bar. Olar sporttyń 30 túrinen jarysqa shyǵady. Onyń 27-si – olımpıadalyq sport túri.
Bıylǵy Azııa oıyndary Hanchjoýda 54 sport arenasynda ótedi. Komandalardyń ıeliginde 31 jattyǵý bazasy bolady.
Azııa oıyndary Hanchjoýda 23 qyrkúıek pen 8 qazan aralyǵynda ótedi.
FOTO: Olympic.kz
