SportPress.kz قازاقستان سپورت جاڭالىقتارى
كەشە قىتايدىڭ حانچجوۋ قالاسىندا ءوتىپ جاتقان ازيا ويىندارىندا ماۋنتينبايكتەن قازاقستان قۇراماسىنىڭ سپورتشىسى الينا سارقۇلوۆا سپورت كيىمدەرىنىڭ سىن كوتەرمەيتىنىن، اياق كيىم مەن جەيدەنىڭ جىرتىلا بەرەتىنىن ايتىپ، ۆيدەو جاريالاعان بولاتىن.
مەن كروسسيۆكيمەن ەكى رەت قانا ءجۇردىم. ەكىنشى رەت كيگەندە جىرتىلىپ كەتتى. جەيدەمدى قاراڭىزدارشى جىبپتەرى سوگىلىپ جاتىر، — دەگەن ەدى ول.
بۇگىن تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى ۇلتتىق قۇراما سپورتشىلارىنىڭ كيىمىنە بايلانىستى مالىمدەدە جاسادى.
قولدانىستاعى قاۋلىعا سايكەس كەز-كەلگەن سپورتتىق كيىم-كەشەك وتاندىق تاۋار وندىرۋشىلەردەن ساتىپ الىنۋى كەرەك. ونداي تاجىريبە بار. ۇلتتىق قۇرامالار ءىرى جارىستارعا كيىم-كەشەكتى تەك وتاندىق وندىرۋشىلەردەن عانا ساتىپ الادى.
قازاقستاندا دا وسى تاجىريبە بويىنشا سپورتتىق فورما وتاندىق وندىرۋشىلەردەن ساتىپ الىندى.
ديزاين، ماتا ساپاسى ماسەلەلەرى فەدەراتسيا وكىلدەرىمەن تالقىلاندى. شەشىم القا وتىرىسىندا قابىلداندى. سپورتشىلاردان كوميتەتكە شاعىم تۇسكەن جوق، — دەلىنگەن مالىمدەمەدە.
سونىمەن بىرگە ديرەكتسيا ازيا ويىندارىندا وسىنداي جاۋاپتى سايىستار كەزىندە سپورتشىلاردىڭ ەموتسيالارىنا تۇسىنىستىكپەن قارايتىنىن، قازىر سپورتشىلارعا قاجەتتى جاعداي جاساۋ ءۇشىن بارلىق باعىتتا جۇمىس ىستەلىنىپ جاتقانىن اتاپ ءوتتى.
وسى ماسەلە بويىنشا تۋريزم جانە سپورت مينيسترلىگىنىڭ رەسمي وكىلى ءمولدىر ابدۋاليەۆا دا تۇسىنىكتەمە بەردى.
ازيا ويىندارىنان كەيىن ارنايى كوميسسيا قۇرىلىپ، سپورتشىلاردىڭ ءتۇرلى جارىستاردا ونەر كورسەتۋى ءۇشىن سپورتتىق فورما دايىنداۋ ماسەلەلەرىن زەرتتەيدى.
قولدانىستاعى زاڭناما بويىنشا سپورتتىق كيىم-كەشەك تىزىلىمگە كىرەتىن جانە يندۋستريالىق سەرتيفيكاتى مەن ست-KZ سەرتيفيكاتى بار وتاندىق تاۋار وندىرۋشىلەردەن ساتىپ الىنۋى ءتيىس.
سپورتتىق فورما وسى سەرتيفيكاتى بار وندىرۋشىلەردەن ساتىپ الىندى. ايتا كەتۋ كەرەك، يندۋستريالىق سەرتيفيكاتى مەن ست-KZ سەرتيفيكاتى بار وتاندىق وندىرۋشىلەر سانى از، — دەدى ول.
ونىڭ ايتۋىنشا، «كازسپو-N كومپانياسى «Zibroo» جشس، جك 79-شى كۆارتال جانە «توري كومپاني» جشس-مەن شارت جاسالدى.
جەتكىزۋ تولىق كولەمدە جۇزەگە اسىرىلدى. مىسالى، Zibroo كومپانياسى ءبىزدىڭ سپورتشىلارىمىزدىڭ وليمپيادا جانە ازيا ويىندارىنا قاتىسۋى ءۇشىن جابدىقتاردى تىگىپ، ءوزىن ادال جەتكىزۋشى رەتىندە كورسەتتى. سپورتتىق جابدىقتاردىڭ ديزاينى بىرنەشە رەت الەمدىك ارەناداعى ەڭ جاقسىلاردىڭ ءبىرى رەتىندە اتاپ ءوتىلدى. سونداي-اق، جەتكىزۋشى كومپانيالار قاجەت بولعان جاعدايدا فورمانى اۋىستىرىپ بەرۋگە دايىن.
ەستەرىڭىزگە سالا كەتەيىك، بۇعان دەيىن ديزاين مەن ساپاسى فەدەراتسيا وكىلدەرىمەن كەلىسىلگەن بولاتىن جانە سپورتشىلار تاراپىنان شاعىم تۇسكەن جوق، — دەدى مينيسترلىكتىڭ رەسمي وكىلى.
داستان كەنجالين،
استانا
View this post on Instagram
