«Azıadadaǵy sport kıimimiz syn kótermeıdi» — mınıstrlik jaýap berdi (VIDEO)

 Keshe Qytaıdyń Hanchjoý qalasynda ótip jatqan Azııa oıyndarynda maýntınbaıkten Qazaqstan quramasynyń sportshysy Alına Sarqulova sport kıimderiniń syn kótermeıtinin, aıaq kıim men jeıdeniń jyrtyla beretinin aıtyp, vıdeo jarııalaǵan bolatyn.

Men krossıvkımen eki ret qana júrdim. Ekinshi ret kıgende jyrtylyp ketti. Jeıdemdi qarańyzdarshy jibpteri sógilip jatyr, — degen edi ol.

Búgin Týrızm jáne sport mınıstrliginiń Sportty damytý dırekııasy ulttyq qurama sportshylarynyń kıimine baılanysty málimdede jasady.

Qoldanystaǵy qaýlyǵa sáıkes kez-kelgen sporttyq kıim-keshek otandyq taýar óndirýshilerden satyp alynýy kerek. Ondaı tájirıbe bar. Ulttyq quramalar iri jarystarǵa  kıim-keshekti tek otandyq óndirýshilerden ǵana satyp alady.

Qazaqstanda da osy tájirıbe boıynsha sporttyq forma otandyq óndirýshilerden satyp alyndy.

Dızaın, mata sapasy máseleleri federaııa ókilderimen talqylandy. Sheshim alqa otyrysynda  qabyldandy. Sportshylardan komıtetke shaǵym túsken joq, — delingen málimdemede.

Sonymen birge dırekııa  Azııa oıyndarynda osyndaı jaýapty saıystar kezinde sportshylardyń emoııalaryna túsinistikpen qaraıtynyn, qazir sportshylarǵa qajetti jaǵdaı jasaý úshin barlyq baǵytta jumys istelinip jatqanyn atap ótti.

Osy másele boıynsha Týrızm jáne sport mınıstrliginiń resmı ókili Móldir Ábdýalıeva da túsinikteme berdi.

Azııa oıyndarynan keıin arnaıy komıssııa qurylyp, sportshylardyń túrli jarystarda óner kórsetýi úshin sporttyq forma daıyndaý máselelerin zertteıdi.

Qoldanystaǵy zańnama boıynsha sporttyq kıim-keshek tizilimge kiretin jáne ındýstrııalyq sertıfıkaty men ST-KZ sertıfıkaty bar otandyq taýar óndirýshilerden satyp alynýy tıis.

Sporttyq forma osy sertıfıkaty bar óndirýshilerden satyp alyndy. Aıta ketý kerek, ındýstrııalyq sertıfıkaty men ST-KZ sertıfıkaty bar otandyq óndirýshiler sany az, — dedi ol.

Onyń aıtýynsha, «KazSpo-N kompanııasy «Zibroo» JShS, JK 79-shy KVARTAL jáne «TORI KOMPANI» JShS-men shart jasaldy.

Jetkizý tolyq kólemde júzege asyryldy. Mysaly, Zibroo kompanııasy bizdiń sportshylarymyzdyń Olımpıada jáne Azııa oıyndaryna qatysýy úshin jabdyqtardy tigip, ózin adal jetkizýshi retinde kórsetti. Sporttyq jabdyqtardyń dızaıny birneshe ret álemdik arenadaǵy eń jaqsylardyń biri retinde atap ótildi. Sondaı-aq, jetkizýshi kompanııalar qajet bolǵan jaǵdaıda formany aýystyryp berýge daıyn.

Esterińizge sala keteıik, buǵan deıin dızaın men sapasy federaııa ókilderimen kelisilgen bolatyn jáne sportshylar tarapynan shaǵym túsken joq, — dedi mınıstrliktiń resmı ókili.

Dastan KENJALIN,

ASTANA

 

View this post on Instagram

 

A post shared by SPORTIVNAIa ODEJDA (@zibroo_official)