SportPress.kz قازاقستان سپورت جاڭالىقتارى
قىتايدا ءوتىپ جاتقان ازيا ويىندارىندا سۋعا جۇزۋدەن قازاقستان قۇراماسىنىڭ سپورتشىلارى فينالعا شىقتى. 800 مەتر قاشىقتىققا ەركىن ءجۇزۋ سايىسىنىڭ ىرىكتەۋ كەزەڭىندە ديانا تاسجانوۆا 8:48.46 ۋاقىت كورسەتكىشىمەن ءبىرىنشى ورىن الىپ، فينالعا جولداما الدى، دەپ حابارلادى تۋريزم جانە سپورت مينيسترلىگى.
سونداي-اق، 4×100 مەتر قاشىقتىققا ەستافەتالىق كەشەندى ءجۇزۋ سايىسىندا قازاقستاننىڭ ايەلدەر قۇراماسى 4:11.93 ۋاقىت كورسەتكىشىمەن التىن ورىن الىپ، فينالعا شىقتى. ايەلدەر قۇراماسىندا ديانا تاسجانوۆا، كسەنيا يگناتوۆا، ادەلايدا پچەلينتسەۆا، سوفيا سپودارەنكو ونەر كورسەتتى.
فينال استانا ۋاقىتىمەن بۇگىن كەشكى ساعات 19.00-دە باستالادى.
تاعى ءبىر اتاپ وتەتىن نارسە، ەلىمىزگە دزيۋدودان ازيادا جۇلدەگەرلەرى كەلدى. ولاردى الماتى اۋەجايىندا تۋعان-تۋىستارى مەن جانكۇيەرلەرى قارسى الدى.
ازيا ويىندارىندا ءابيبا ابۋجاقىنوۆا كۇمىس مەدالدى يەلەنسە، ماعجان شامشادين، ابىلايحان جۇبانازار، شارحان نۇرلىحان پەن ەسميگۇل كۋيۋلوۆا قولا جۇلدەگەر اتانعان.
ال ازياداداعى سوڭعى جاڭالىق، كوگالداعى حوككەيدەن قازاقستاننىڭ ايەلدەر قۇراماسى يندونەزيا كومانداسىن 2:1 ەسەبىمەن باسىم ءتۇسىپ، العاشقى جەڭىسىنە جەتتى.
فوتو: تۋريزم جانە سپورت مينيسترلىگى
