XIX Azıada: Qazaqstan sportshylary sýǵa júzýden fınalǵa shyqty

Qytaıda ótip jatqan Azııa oıyndarynda sýǵa júzýden Qazaqstan quramasynyń sportshylary fınalǵa shyqty. 800 metr qashyqtyqqa erkin júzý saıysynyń irikteý kezeńinde Dıana Tasjanova 8:48.46 ýaqyt kórsetkishimen birinshi oryn alyp, fınalǵa joldama aldy, dep habarlady Týrızm jáne sport mınıstrligi.

Sondaı-aq, 4×100 metr qashyqtyqqa estafetalyq keshendi júzý saıysynda Qazaqstannyń áıelder quramasy 4:11.93 ýaqyt kórsetkishimen altyn oryn alyp, fınalǵa shyqty. Áıelder quramasynda Dıana Tasjanova, Ksenııa Ignatova, Adelaıda Pchelıneva, Sofıa Spodarenko óner kórsetti.

Fınal Astana ýaqytymen búgin keshki saǵat 19.00-de bastalady.

Taǵy bir atap ótetin nárse, elimizge dzıýdodan Azıada júldegerleri keldi. Olardy Almaty áýejaıynda týǵan-týystary men jankúıerleri qarsy aldy.

Azııa oıyndarynda Ábıba Ábýjaqynova  kúmis medaldi ıelense, Maǵjan Shamshadın, Abylaıhan Jubanazar, Sharhan Nurlyhan pen Esmıgúl Kýıýlova qola júldeger atanǵan.

Al Azıadadaǵy sońǵy jańalyq, kógaldaǵy hokkeıden Qazaqstannyń áıelder quramasy Indonezııa komandasyn 2:1 esebimen basym túsip, alǵashqy jeńisine jetti.

FOTO: Týrızm jáne sport mınıstrligi