فۋتزالدان ءاچ: قازاقستان ىرىكتەۋ كەزەڭىندە ءتورتىنشى رەت جەڭىسكە جەتتى (فوتو، ۆيدەو)

in الەم چەمپيوناتى، باستى تاقىرىپ، فۋتزال 01.10.2023 0 52 رەت وقىلدى

فۋتزالدان قازاقستان ۇلتتىق قۇراماسى 2024 جىلعى الەم چەمپيوناتىنىڭ ەليتالىق ىرىكتەۋ كەزەڭىندە قاتارىنان ءتورتىنشى رەت جەڭىسكە جەتتى. بۇل جولى ۇلتتىق قۇراما ازەربايجان كومانداسىمەن كەزدەسىپ،3:2 ەسەبىمەن باسىم ءتۇستى. ماتچتا الاڭ يەلەرى 0:2 ەسەبىمەن جەڭىلىپ جاتىپ، كامبەك جاسادى.

ويىندا كوماندالار ءبىرىنشى مينۋتتان باستاپ اڭدىسپاي، بىردەن شابۋىلعا شىقتى. سونىڭ ناتيجەسىندە ءبىرىنشى بولىپ قوناقتار ەسەپ اشتى. 4-مينۋتتا امادەۋ گولدىڭ اۆتورى اتاندى. ودان كەيىن 8-مينۋتتا اپشەرون تۇبەگىنىڭ وكىلدەرى ەسەپتى ەسەلەدى. 8-مينۋتتا كاردوزو يگيتا قورعاعان قاقپانى ءدال كوزدەدى.

وسىدان كەيىن الاڭ يەلەرى بىرىنەن سوڭ ءبىرى شابۋىلدار جاساپ، ماتچتىڭ ءبىرىنشى تايمىندا ەسەپتى تەڭەستىرىپ كەتتى. 13-مينۋتتا لەو ەسەپتى ءبىر گولعا قىسقارتسا، ءبىرجان ورازوۆ 18-مينۋتتا دوپتى تورعا تۋلاتتى.

ەكىنشى تايمدا قازاقتان قۇراماسى ازەربايجان كومانداسىنىڭ قاقپاسىن ءۇشىنشى رەت ءدال كوزدەدى. 22-مينۋتتا جۋنيور دۋگلاس گولدىڭ اۆتورى اتاندى.

وسىلايشا قازاقستان قارسىلاسىن 3:2 ەسەبىمەن جەڭىپ، قاتارىنان ءتورتىنشى رەت جەڭىسكە جەتتى.

بۇل ويىندا ازەربايجان قۇراماسى دا جاقسى ويىن ورنەگىن كورسەتتى. قوناقتار ماتچ باستالىسىمەن الاڭ يەلەرىمەن يىق تەڭەستىرىپ وينادى. دەگەنمەن قازاقستان قۇراماسى تاجىريبە مەن باس جاتتىقتىرۋشى ريكاردو كاكانىڭ تاكتيكاسىنىڭ ارقاسىندا ايلاسىن اسىرىپ كەتتى. كامبەك جاسادى.

ا توبىندا 10 قىركۇيەكتە رۋمىنيا مەن نيدەرلاند قۇرامالارى 1:1 ەسەبىمەن تەڭ ءتۇستى. ەندى قازىر ءتورت تۋردان كەيىن قازاقستان قۇراماسى 12 ۇپايمەن كوش باستاپ كەلەدى. ۇلتتىق قۇراما ءالى بىردە-ءبىر ويىندا جەڭىلگەن جوق. بۇعان دەيىن رۋمىنيا كومانداسىن 4:3، نيدەرلاند جاساعىن 2:0 ەسەبىمەن جەڭسە، جاقىندا باكۋدە ازەربايجاننان 4:2 ەسەبىمەن باسىم ءتۇستى.

ەندى قازاقستان قۇراماسى 14 جەلتوقساندا ءوز الاڭىندا نيدەرلاندپەن كەزدەسەدى. 20 جەلتوقساندا رۋمىنياعا بارادى.

2024 جىلعى الەم چەمپيوناتى وزبەكستاندا بولادى.

داستان كەنجالين،

باعدات قاليەۆ،

موبيلوگراف – جاندوس ساردەنوۆ

فوتو: kff_team_futsal

استانا