Fýtzaldan ÁCh: Qazaqstan irikteý kezeńinde tórtinshi ret jeńiske jetti (FOTO, VIDEO)

in Álem chempıonaty, Basty taqyryp, Fýtzal 01.10.2023 0 52 ret oqyldy

Fýtzaldan Qazaqstan ulttyq quramasy 2024 jylǵy álem chempıonatynyń elıtalyq irikteý kezeńinde qatarynan tórtinshi ret jeńiske jetti. Bul joly ulttyq qurama Ázerbaıjan komandasymen kezdesip,3:2 esebimen basym tústi. Matchta alań ıeleri 0:2 esebimen jeńilip jatyp, kambek jasady.

Oıynda komandalar birinshi mınýttan bastap ańdyspaı, birden shabýylǵa shyqty. Sonyń nátıjesinde birinshi bolyp qonaqtar esep ashty. 4-mınýtta Amadeý goldyń avtory atandy. Odan keıin 8-mınýtta Apsheron túbeginiń ókilderi esepti eseledi. 8-mınýtta Kardozo Igıta qorǵaǵan qaqpany dál kózdedi.

Osydan keıin alań ıeleri birinen soń biri shabýyldar jasap, matchtyń birinshi taımynda esepti teńestirip ketti. 13-mınýtta Leo esepti bir golǵa qysqartsa, Birjan Orazov 18-mınýtta dopty torǵa týlatty.

Ekinshi taımda Qazaqtan quramasy Ázerbaıjan komandasynyń qaqpasyn úshinshi ret dál kózdedi. 22-mınýtta Jýnıor Dýglas goldyń avtory atandy.

Osylaısha Qazaqstan qarsylasyn 3:2 esebimen jeńip, qatarynan tórtinshi ret jeńiske jetti.

Bul oıynda Ázerbaıjan quramasy da jaqsy oıyn órnegin kórsetti. Qonaqtar match bastalysymen alań ıelerimen ıyq teńestirip oınady. Degenmen Qazaqstan quramasy tájirıbe men bas jattyqtyrýshy Rıkardo Kakanyń taktıkasynyń arqasynda aılasyn asyryp ketti. Kambek jasady.

A tobynda 10 qyrkúıekte Rýmynııa men Nıderland quramalary 1:1 esebimen teń tústi. Endi qazir tórt týrdan keıin Qazaqstan quramasy 12 upaımen kósh bastap keledi. Ulttyq qurama áli birde-bir oıynda jeńilgen joq. Buǵan deıin Rýmynııa komandasyn 4:3, Nıderland jasaǵyn 2:0 esebimen jeńse, jaqynda Bakýde Ázerbaıjannan 4:2 esebimen basym tústi.

Endi Qazaqstan quramasy 14 jeltoqsanda óz alańynda Nıderlandpen kezdesedi. 20 jeltoqsanda Rýmynııaǵa barady.

2024 jylǵy álem chempıonaty О́zbekstanda bolady.

Dastan KENJALIN,

Baǵdat QALIEV,

Mobılograf – Jandos SARDENOV

FOTO: kff_team_futsal

ASTANA