Bul matchta úsh upaı úshin jan alysyp, jan berisemiz – Magomed Adıev

Búgin Astana ýaqytymen saǵat 22.00-de fýtboldan Qazaqstan ulttyq quramasy kelesi jyly ótetin Eýropa chempıonatynyń irikteý týrnıri aıasynda Fınlıandııa komandasymen oınaıdy. Match Helsınkı qalasynda bolady.

Keshe ulttyq quramanyń bas jattyqtyrýshysy Magomed Adıev Fınlıandııaǵa oıyndy aqparattyq jaǵynan qoldaý maqsatynda barǵan BAQ ókilderine suhbat berip, match týraly pikir bildirdi.

– Magomed Musauly, elimizdiń bas komandasynyń Danııa quramasynan jeńilgennen keıin fýnkıonaldyq jáne emoıonaldyq jaǵdaıy qalaı?

– Árıne, jeńilis namysymyzǵa tıdi. Jigittermen sóılesip, ótken oıyndy umytyp, fınderge qarsy daıyndalý kerektigin aıttym. Endi quramada psıhologııalyq jaǵynan eshqandaı problema bolmaýy kerek.

–Oıynǵa qorǵanys josparyn daıyndap jatyrsyz ba?  Fınlıandııany tańǵaldyrýǵa tyrysasyz ba?

– Tolyqtaı qorǵanysta otyra bermeımiz. Bul matchta mańyzdy úsh upaıdyń taǵdyry sheshiledi.  Komandanyń quramynda ózgerister bolady. Bul josparlanǵan rotaııa. Kúshimizdi teń bólýge tyrysamyz.

– Fınlıandııamen oıynǵa Aleksandr Zýev alańǵa shyǵa ma?

– Ony kóre jatarmyz. Ol Almatyda ózin jaısyz sezindi.  Danııamen oıyn aldynda onyń alańǵa shyǵýy týraly oılaǵan joqpyn. Endi Fınlıandııamen matchqa alańǵa shyǵarýy múmkin.  Barlyǵyn jattyǵýdan keıin sheshemiz.

– Baǵdat Qaıyrovtyń Danııamen matchtaǵy oıynyn qalaı baǵalaısyz?

– Ol jaqsy oınady. Qorǵanysta jaqsy oınady. Onyń bir jaqsy qasıeti – óz aıyp alańynyń aldynda jaqsy oınaıdy. Ol óziniń tikeleı mindetin atqaryp, shabýylǵa da kómektesti. Nátıjeli pas berip, gol soǵa da jazady.

– Ian Vorogovskıı Astanaǵa kóshkennen keıin synǵa ushyrady. Belgııadaǵy oıyndarymen salystyrǵanda nashar oınaı júr degen pikirler bar. Siz munymen kelisesiz be?

– Ian shynymen de babyn azdap joǵaltyp aldy. Ol «Astanamen» oqý-jattyǵý jıynyna qatyspady. Onyń komandasy Belgııada demalysta boldy. Jańa klýbyna daıyndyqsyz kelgen. Qazir onyń daıyndyǵy áldeqaıda jaqsardy.

Qazaqstan ulttyq quramasynyń bas jattyqtyrýshysy Magomed Adıev Fınlıandııamen matchtyń ońaı bolmaıtynyn, degenmen komandanyń úsh upaı alýǵa baryn salatynyn aıtty. Qazir qarsylastarda 12 upaıdan bar. Fınlıandııa dop aıyrmashylyǵynyń arqasynda týrnır kestesinde úshinshi orynda tursa, elimizdiń bas komandasy odan bir saty tómen ornalasyp otyr. Al top basynda 16 upaı jınaǵan Danııa men onyń ókshesin basyp kele jatqan Slovenııa keledi. Bul eldiń ulttyq quramasynda da 16 upaı bar. Al Soltústik Irlandııa men San-Marıno komandalary besinshi jáne altynshy orynda.

Qazir Eýropa chempıonatyna joldama alǵan komandalar da belgili bolyp otyr. Olar – Ispanııa, Shotlandııa (A toby), Franııa (V toby), Túrkııa (D toby) Portýgalııa (J toby),  Belgııa, Avstrııa (F toby) men Germanııa. Sońǵysy Eýropa chempıonatyn ótkizetin el retinde jarysqa qatysady. Osy rette aıta ketetin nárse, Qazaqstan quramasy N tobynda tórtinshi oryn alsa da Eýro-2024 dodasyna qatysýǵa múmkindigi bolady. О́ıtkeni, ulttyq qurama Ulttar lıgasynda óz tobynda birinshi oryn alyp, Eýropa chempıonatyna joldama beretin machta oınaýǵa múmkindik aldy. Bul match kelesi jyly naýryz aıynda Grýzııa, Lıýksembýrg, Kosovo nemese basqa da komandamen bolýy múmkin.

Dastan KENJALIN,

ASTANA

FOTO: Qazaqstan fýtbol federaııasy, Nıkıta BASOV